《波士早晨》黄智贤与太太结婚14年　定情原来因为一个钥匙扣

 

速食爱情当道，难道世上就没有爱情长跑的人？这句说话在黄智贤（Ben）身上就完全不成立，「太太只系想我快啲返工，快啲放工，返黎同佢食饭，生活就系咁。」



相信Ben也用了不少力气，保护一段感情，看着他们就明白爱情长跑20多年的魅力：

我最钟意每天朝早送太太返工，因为系车程里面就系可以倾到计嘅时间，我地厂景系夜晚，返到去佢已经瞓咗又倾唔到计，呢啲都系我地互相讲下呻下嘅时候，再奢侈啲就食下3个钟嘅lunch。

黄智贤与太太的爱情故事由厨房开始：

当时我喺餐厅做partime，咁我就返早，我就系餐厅厨房负责送菜出窗口，佢就系waitress，日日隔住嘅窗口望到佢，佢又望到我，咁就系耐唔中望下望下。放饭时见到佢食又走去食，就咁开始。

没有戏剧化的情节，但黄智贤说得甚有画面，就像昨天发生一样。



但看完都要有行动的时候，他说皆因一个钥匙扣，笑言整个过程戏剧性：

佢见到我钥匙扣好旧，跟住佢就同我换咗个钥匙扣，原来佢一早已经买定。我当然觉得佢好有心，其实成个过程大家都无出声，但我几蠢都估到。

简单一个动作更胜千言万语，他直言一早就认定对方是终生伴侣，直到2004年到了纽西兰旅行并注册结婚，他就表示当时都是随心并不是一早计划好，

大家都想简单同舒服，都怕繁文缛节。

Ben在剧集《波士早晨》就因为「偷食」而与太太陈慧珊离婚，但现实中他是与角色完全相反，是一名好好先生，因为Ben会主动告诉太太知道拍剧的时间表：

我会同佢讲呢套剧会忙啲，未必陪到你食饭，你要自己照顾自己喇，呢套剧我会得闲啲，我会陪你多返啲，之后佢就会问咁有无假放，可唔可以去个旅行，我地嘅生活就系咁。

看似平淡，但其实他们都同样经历过天下每一对情侣必经的阶段：

大家由青春期到成熟期一齐20几年，都经历大家嘅转变，人都有反叛期、又嗌交又话要分手都试过，但最后都系我氹佢多。

而近十年Ben才真正懂得包容对方的缺点：

之前相爱嘅时候就系见到大家嘅优点，之后就开始放大啲缺点，但系其实个啲缺点无改变过，只不过你接纳咗。

他最后亦指不要试图改变对方，而去接纳对方，因为你是爱她的一切。他之后亦表示经常和太太形容他们是相依为命，因为没有小朋友的他们，生活只有对方：

因为咁就百分百就系我就得你，你就得我，咁仲唔系相依为命，我觉得个focus会落晒落去会更加珍惜。

Ben自言年纪大开始「嗒」落珍惜是什么：

你无第二个可以同你走成世人，几好嘅朋友都未必同你走落去，唯独你嘅另一半系陪你生老病死。所以我经常同佢讲，你要珍惜下我喇，我地相依为命喇咁！

人生匆匆数十载，虽然Ben早前在访问时曾讲过，在事业上没有什么期待，但有什么可以胜过找到一位可以和你走一世的人，其实「最期待的画面」黄智贤一早已经找到了。

摄影：梁碧玲

撰文：溫菁莉

▼   八叔推荐   ▼如果深入交流，请加八叔私人微信hkhk27 ,

微博：@八卦香港

合作：

WhatsApp：9404 6815

QQ：2212341880