老豆媽子我過得好好。澳門，值得我為你那麼勇...
想成功，就要用功！...
Macaulife
搜罗最新鮮
最勁爆嘅澳門新聞
想成功，咁就一定要用功
自己喺澳門打工耐咗
都搞唔清自己係過生活定係搵餐溫飽飯
有時候想對住屋企人認個低威
都咁艱難...
MacauLife
「老豆媽子，你哋食飯未吖？嗯，我都食咗喇，食咗日本料理，好好食吖！仲行埋街買新衫！係啊，最近成日落雨，你哋出門都要記得帶番把遮，睇路唔好跌跤吖！」
每逢禮拜六日我就同老豆媽子WeChat視頻傾計，講下我喺澳門過得有幾好。
所以喺佢哋嘅眼里，我喺澳門生活摞住高工資，好食又好住，比踎喺鄉下睇鋪高級好多。
澳門係好好，而我亦都假裝過得好好。
工資係多，但我個個月都清光
睇住澳門每年更新嘅平均工資一路上漲到依家嘅萬貳蚊MOP，一大班都懷疑自己摞嘅係假人工。
其實喺澳門月入過萬同月入八千，葡紙匯率又唔高，日子咪又係照常咁過。
對於我哋呢啲普通外勞打工族嚟講，平均工資只不過就係一條數，睇睇就算好了，每個月去銀行摞人工，啲錢實實在在喺手度揸住，先係最安心。
柴米油鹽醬醋茶樣樣都要使錢。一個月嘅房租加上水電費，工資就冇咗一大半，仲有固定畀阿爸阿媽嘅家用，再還埋每個月嘅咔數，剩低嘅餘額根本就唔夠用。
一到咗月尾，公仔面陪伴我，係家常便飯。
每次打開家族Group，啲親戚傾到仔囡嘅時候，都有人@我媽子問我近排點，佢都話就係上班一族，但係又順手發張我送畀佢嘅禮物相，話「每個月都畀夠家用，仲經常送我禮物，好孝順。」
雖然戈個時候嘅我咬緊方包，不過心入面都係覺得好開心。
一直唔肯認低威，偽裝自己過得好好，只不過係希望老豆媽子可以過得開心滿足，唔使擔心我。
sdfd
公寓係高級，但我住嘅係村屋舊樓
MacauLife
啱嚟到澳門，睇到周圍都係一棟棟燈火通明嘅辦公高樓，五顏六色嘅廣告牌，澳門嘅繁華真係好吸引我，令我堅信住終有一日我都可以喺呢度做出啲成績，賺大錢。
後嚟先至發現，原來想住高級公寓，坐辦公室，朝九晚五準時落班亦都唔係咁容易實現。
喺呢度暗淡同璀璨係正正相反嘅兩面，正面係光鮮亮麗嘅職場生活，反面係狼狽不堪嘅居住之所。
邊個唔想住得離公司近，行路上落班，無奈高樓大廈住都住唔起。只可以揀距離一粒鐘車程嘅舊公寓。雖然只係個唔見光嘅細房，夏熱冬冷，又冇Lift，仲時不時跳下閘，隔離開個門都可以聽到...
但係又有咩問題，只要租金便，一切問題都唔係問題。
反正平時喺呢個「屋企」嘅時間又唔長，可以令我攰一日番去之後，訓一覺滿滿足足就夠曬了。
私家同電單車係多，不過我逼巴士
每日番工落班，收工番屋企，都要經歷漫長嘅等車同埋塞車。企喺逼滿人嘅巴士上，都會抱怨「真係唔明白澳門點解有咁多私家車，低碳生活嘅道理唔明白？」
其實我只係買唔起車，冇用咁抱怨啫。
以前坐巴士見到人多都唔會上，依家就算係滿人，只要佢開得到車門，就可以硬逼上去，因為坐唔上呢一班，我可能就要遲成一個鐘先可以番到屋企。
巴士亦都分冬夏兩季，冬天啲衫一身毛，夏天狐臭味到處飛。前胸貼後背係常有之事，只有呢個時候先覺得自己瘦到好似張曼玉一樣咁。
名牌係邊度都有，但我著嘅係便嘢
講到衣服揀人著，我應該就係被衣服揀嘅人。
澳門嘅Shopping Mall度嘅奢侈品牌邊度都有，但係我連行入去嘅勇氣都冇，因為求其一件衫都要千幾蚊，試著下都唔敢。
換季大Sale先敢去啲便價牌子店睇睇，行咗好耐，買嘅就係啲基本款嘅衫。平時仲為咗便幾蚊雞，同人哋講價講到口水都乾埋。
儘管我哋冇辦法過得好奢侈，但係可以使有限個錢過精緻嘅生活。
反反復複咁堅持當初心入面嘅一團火，去抵抗千軍萬馬。依家飽經生活嘅磨煉，依然唔肯認低威，其實就係唔甘心，唔服輸。
一張輕軌飛或者就可以送你嚟澳門，想要離開亦都係一件好容易嘅事。
唔好辜負自己嘅努力，失去咗父母嘅期望。
願日後大家都可發自內心咁講出：
「老豆媽子，我喺澳門真係過得好好。」
（本文圖片分享自網絡）
“近期熱帖速遞 ”
65億人仔都值！天堂建築師扎哈遺作摩珀斯開幕！
結婚天價禮金換新抱！澳門人係收心意定係賣囡？
本澳多處封路限交通！司機必須注意以下路段！
戳原文，更有料！
关注 澳門Life
微信扫一扫关注公众号
