阿妈真系觉得生旧叉烧好过生我？
如果要用一张图嚟形容广州人嘅母子关系，一定系以下呢张图↓↓↓...
如果要用一张图嚟形容广州人嘅母子关系，一定系以下呢张图↓↓↓
图片来源广东道
出面冻啊！着多件衫出去啊！
阿妈总系会觉得你冻，无论外面系40度高温，定系酷热警告，佢都系会叫你着多件衫。
今晚想食咩餸啊！
只要你讲过一次你钟意食番茄炒蛋，无论系你个饭盒，亦话系你返屋企食饭，个“番茄炒蛋”总系会出现系你面前。
每个阿妈总有一个固定嘅时间打电话来催你返屋企，因为你唔返佢根本训唔着！
唔好咁夜训啊！
阿妈总系唔明白你嘅生物钟，早啲训落床，等佢唔好担心啦！
唔好饮咁多汽水啊！
可乐系年轻人嘅最爱，不过对身体冇益，次次畀阿妈见到我饮可乐，佢都会叫我唔好饮咁多！
系时候交家用啦！
只要你发现今晚餐饭冇肉，你就应该醒水交家用啦！
出去记得唔好惹事啊！
点为止惹事阿妈咪，唔通我无端端搵人打交咩，我生性嘅啦！
成日咁夜返，群埋晒啲咩人啊！
我班Friend中意夜生活咋妈咪，要维持啲朋友关系，系要多啲聚会嘅啦，我唔会学坏噶，放心啦！
生性啦仔，正正经经搵份工！
搵工唔难啊，但搵到份自己中意嘅就好难，男怕入错行啊！
你睇下隔离屋阿黄个仔几叻！好心你学下人哋啦！
永远冇法超越嘅人——隔离屋个仔同亲戚个仔！
由朝到晚都打机，睇下书啦！
喺屋企，唔打机我都唔知做咩好，你知你个仔唔系啲会睇书嘅人啦。
今晚返嚟记得饮汤啊！饮多碗汤啦！
阿妈靓汤，每次都记得自动自觉乘以二，唔系都对唔住阿妈煲得咁辛苦。
次次都剩少少，食埋佢啦，唔好嘥！同阿妈食饭，记得做光盘侠，唔食晒唔好放低对筷子。
食多条菜啦，一日唔食水果！
明知你个仔系食肉兽啦，菜依啲嘢，少少几条够嘅啦。
几时去冲凉啊！
无论系啱啱返到屋企，定系喺屋企啱啱食完饭，只要晚黑喺屋企畀阿妈见到你，你就要准备冲凉了。
做嗮啲功课未啊，执下间房啦！
无论你系大学生，定系放紧假嘅学生哥，阿妈总系会担心你做嗮功课未。我间房乱，但系唔邋遢就得啦！
倾咁耐电话，倾完未啊！
同条女（仔）煲电话粥，阿妈都会吃醋。鬼叫你平时唔多啲陪阿妈倾计咩！
你舍得起身未啊！
阿妈叫起床嘅功力，系一百万个闹钟都比唔上噶。不过今日放假啊，妈咪。
第二样嘢唔见你咁叻，驳嘴就最犀利！
妈咪，其实我好多嘢都好犀利噶，得闲你要了解下我喇。
睇电视唔好哄咁埋啊！
等我赚到钱，买部大啲嘅电视，就唔会哄咁埋噶啦，宜家部咁细，我连C朗同巴尔都分唔清啊。
几时带女朋友返屋企食饭啊！
你个仔连女朋友都未有啊，点带啊，妈咪。
你成日唔讲我点知呢？
sorry啊妈咪，我知我成日都唔喺屋企，以后我会抽多啲时间陪你噶啦。
依啲都冇中枪？仲有！
“几时结婚呀。”（结婚,结婚,结完就分,有乜好结喔）
我：“今晚又我洗碗啊？”
妈：“你个衰仔好意思讲得出嘅？我辛辛苦苦煮餐饭畀你哋食，食完中想唔做嘢！我煮个阵又唔见你出嚟帮下手，一日净系识得对住部电脑。冇益噶！鬼咁多辐射，夜晚又夜训，挨埋啲夜你估好得戚咩！仲有吖......（以下省略1000字）”（我估计我洗完碗返出嚟佢都未讲完）
妈：“去佐边到啊？”
我：“出街咯。”
妈：“边度街啊？”
我：“同朋友去饮嘢。”
妈：“边个朋友啊？”
我：“讲你都唔知。”
妈：“你成日唔讲，梗系唔知拉！”
我：“xxx。”
妈：“边个嚟噶，边度识架？”.....
（永远都系无限延长......所以......我应该一开始就唔答佢！！）
“早d翻啊，依家社会复杂，今日报纸先讲有个后生仔比人桶死咗。” （...........）
“有人跌咗落河，千奇五好跳落去救人啊，一阵你都瓜埋啊！”
冇男朋友或者女朋友嗰阵：“求其稳住个先啦，唔好嫌三嫌四啦！”；有男朋友或者女朋友嗰阵：“睇多几个先啦，使唔使咁急啊？”（咁你究竟想我点啫?）
下面依个视频，相信你肯定会好有感触。
妈咪，以前细个唔识嘢，成日激你，不过依家大个仔懂事噶啦！
以后我识自己照顾好自己，妈咪，我只想同你讲一句：
❤我爱你❤
祝天下母亲，母亲节快乐！
童说岭南系列丛书
《街巷探秘》、《广饮广食》、《小脚走古迹》
同小朋友一齐分享好多广州人都唔知嘅古仔！
微信扫描二维码，随时召唤彭嘉志讲古
羊记杂货铺老友价：￥80
购买方式
淘宝购买：长按网址“http://t.cn/R4aXtHe”复制至浏览器打开微信购买：请点击左下角【阅读原文】或长按以下图片识别二维码进入微店。
自提购买：广州越秀区建设六马路29号荣建大厦17G，请提前一天电话预约。
联系电话：020-83195715-805，团体一次性采购20本以上或批量定制享受更多优惠，欢迎来电咨询。
关注 羊城网
微信扫一扫关注公众号
