陈法拉有新恋情 前夫反击：想有个伴 随传随到TVB被寸不体恤老人家

本期关键词：陈凯琳、陈法拉、薛世恒、江欣燕、陈嘉桓、欧锦棠...

>>>>城市的拥挤让我们觉得自己无处呼吸，城市的竞争让我们觉得自己一无是处。一个人在疗愈的过程中或多或少都需要荒唐的放纵，事情变得真正荒唐之后，或许才能看清楚自己究竟想要怎样的生活。

【死撑冇同居】陈凯琳解释想多啲陪家人

最近接受了矫视手术的艺人陈凯琳昨晚在将军澳电视城为《万千星辉贺台庆》排舞，陈凯琳表示经手术后经过两次检查，眼部康复得不错，手术后还不习惯以为自己忘了脱隐形眼镜。

问到陈凯琳休养期间男友郑嘉颖可是陪伴照料？她笑说：「佢唔喺香港，自己照顾自己，但佢有Send短讯畀我，叫我唔好睇咁多资讯，哈哈，因为手术后不适宜睇太多电话。」

早前陈凯琳被踢爆与郑嘉颖同居，她则解释只是有时两人相约出外食饭，会先到男友家集合，暂时还未想过要同居，觉得应该慢慢来，男友不在香港时也希望多陪伴家人。

陈法拉有新恋情 前夫反击：想有个伴



陈法拉大前年同Neway太子爷薛世恒离婚，仲离开埋大台，今年喺事业同爱情都有新发展，好似之前佢就同黄子华合演咗舞台剧《前度》，今年8月仲话佢同法国驻日外交官Emmanuel Straschnov拍拖。法拉发展如意，咁薛世恒亦唔输蚀，先后同梁雨恩、廖碧儿同朱璇传绯闻，而一直唔愿回应嘅薛家大少爷，最近接受访问，讲到前妻，佢依然冇正面回应二人嘅关系，只话唔想影响到朋友，佢用朋友来形容陈法拉。薛世恒同陈法拉一直都冇厘清过二人嘅关系，但外界一般都会话佢哋系离婚，专访中，薛世恒依然冇正面回应，只系一笑置之，仲话唔想提及。但系薛家大少爷就讲到，一段感情去到呢个地步，佢自己都有反省过自己，觉得自己唔识沟通，同埋太自我，当中佢学会拣对象时，系唔好要求人的点点点，而系要求咗先。

但薛世恒就话新恋情，就要随缘，佢坦言经常一支公出席活动，都希望有个伴陪下自己，亦都好想有小朋友，仔女都冇所谓。

有男人味？陈嘉桓素颜上阵做警察艺人陈嘉桓、陈小春与李璨琛等日前为陈国坤监製网剧《反黑》于屯门开工，因现场非常不透风，再加上现场收音，不能开风扇、冷气，令现场非常闷热，众人又穿上厚衣与西装，变相集体「焗桑拿」，全部「湿晒」大汗迭细汗，但拍摄时又要入戏扮冇嘢，实行来一个耐热大作战！

陈嘉桓指自己热到要狂饮水，但幸好本身颇为捱得热，所以不算太辛苦。对于今次拍网剧，她直言：「好开心，同咁多好戏嘅演员一齐合作，好多谢监製陈国坤、导演宋本中畀个咁好嘅机会我，我未试过演男仔头警察，对于我嚟讲真系一次几大嘅挑战。（素颜上阵？）系呀，希望出嚟个外型会更加硬朗。」

遇电话骗徒 49岁江欣燕惨中招报警电话骗徒猖獗，你我他都应该遇过唔少，不过骗徒手法嚟嚟去去得几味，一系话你喺XX速递有件邮件，再唔系就话入境处有人盗用你资料，又直接帮你驳线去公安嗰边，搞场大龙凤，讲到尾都系唉钱。其实呢啲骗案，警讯讲过N次，叫人唔好上当，偏偏继续有艺人中招，讲嘅系江欣燕。

今日有报道指佢上个礼拜三被骗后，即到西环警署报警，事后江欣燕承认自己低B上当。江欣燕透露当日有个自称系入境处嘅人，话寄咗信俾佢，但收唔到回音……

事情发展落去，熟口熟面，电话骗徒又系话要请示上司，又要驳电话去其他部门，江欣燕又跟指示，直到越搞越複杂，嫌麻烦嘅江欣燕，索性话唔识搞，先至冇俾骗徒继续盗取更多资料，事后江欣燕打去对方留下所谓嘅入境处电话，发现冇登记，先知自己蠢咗差啲濑嘢！

不过最搞笑系，骗徒明知事败，竟然传短讯俾江欣燕，话想同佢做朋友，又赞佢靓、又赞佢系美魔女，骗财不成竟然打算骗色，称「你要知道我们这个圈子的人，也是有好人的」。

【随传随到】TVB被寸唔体恤老人家欧锦棠、王宗尧噚晚喺九龙湾綵排舞台剧《科学怪人: 谁主创造》，阿棠老婆万斯敏系该剧监製。阿棠一向都好尊重锺景辉(King Sir)。King Sir于两个多月前证实罹患第一期大肠癌，犹幸及早发现，并已接受微创手术割除，现在家休养。



讲到King Sir做完肠癌手术，阿棠就话：「知道佢康复中，希望多啲休息，我作为后辈理唔到佢嘅饮食习惯，但我作为后辈，就真系好介意佢咁辛苦，嗰啲咁嘅电视台成日都唔体恤佢，开工开到夜一夜，试过有次开工，返去等咗4粒钟都冇得埋位，之后King Sir返番屋企，之后又call佢返去开工，佢又真系返去。」阿棠越讲越劳气，仲爆咗另一单case：「King Sir条颈做咗个小手术，休息两个礼拜之后复工，之后开戏，佢等到04都冇得拍，点解咁对老人家同前辈呢!其实唔只佢一个，仲有其他老人家都系，啲小朋友都话有收工时间，做到11点前就要放佢哋走，点解唔可以将老人家啲戏拍咗先，好替佢不值，希望佢休养多啲先，知道King Sir明年80岁，好期待有代表作同大家见面。」锺景辉今年9月，身体抱恙仍出席TVB剧《律政强人》宣传活动。

    关注 微文阅读推荐