本期关键词：黎诺懿谢霆锋甘比张曼玉黄宗泽伍允龙苟芸慧...

>>>>钟舒漫、许靖韵、陈凯彤首度合唱《我们仨》，来趟飞一般快感！

【嘴角微向上】甘比胜利者姿态凑女返学

华人置业前主席刘銮雄（大刘）前日以其名义发出声明，表示与女友吕丽君于2014年已正式分手划清界线及力数对方不是后，众人连日来均成为传媒追访对象。

大刘女友甘比（陈凯韵）今早如常在7时20分乘座驾「1 M1SS U」送女儿刘秀桦回学校，下车时由一名保镖护送开路，穿上长袖露膊衫衬牛仔裤兼戴上黑超的甘比拖住女儿下车，并为女儿孭书包，当记者问到大刘换肾手术后健康如何？甘比未有回应并继续送囡囡上学。

送完女儿上学后，她被问到大刘手术后要否戒口？是否在英国做手术？是否给百亿予她及刘鸣炜打官司？她均没有回应。但当问到会否因吕丽君仍叫大刘「老公」而唔开心时，甘比即面色一沉加快脚步离开。再问她有否睇声明及睇完声明有没有回应时，她罕有地有表情反应，嘴角微微向上表示：「冇啦，唔该。」之后乘坐座驾回高士美道大宅。

请教佗B经？黎诺懿摸陈敏之巨肚沾旺气

「索腿天后」陈敏之目前怀孕8个几月就快生得，呢日佢约咗日前宣布一索得男嘅黎诺懿食饭聚旧。两位老友一见面就表现兴奋，黎诺懿仲忍唔住摸敏之个巨肚沾旺气。话说黎诺懿老婆李洁莹现时怀孕4个几月，唔使估，黎诺懿一定有向敏之请教女人嘅佗B心得，所以两人倾得更投契！食完饭后，黎诺懿喺Instagram晒出两人合照，仲留言：「奶鱼家族第三奶，期待奶鱼家族第一个继承人。」咩系奶鱼家族？根据伍咏薇早前受访时嘅讲法，佢话喺2006年孖陈敏之、黎诺懿一齐拍《高朋满座》，三人因而变得Friend底。有一排黎诺懿同陈敏之成日着短裤仔晒腿，伍咏薇于是忍唔住指住佢哋讲：「你两条奶鱼（体形幼长嘅鱼）…」讲吓讲吓，就诞生咗一个「奶鱼家族」出嚟。计番时间「奶鱼家族」唔经唔觉已成立10周年，家族日益壮大，现时成员仲有埋佢哋3个嘅另一半，如果第时敏之同黎诺懿仲各自生多件嘅话，相信个家族聚会一定更热闹！

退隐银幕12年　张曼玉向霆锋自揭原因

影后张曼玉（Maggie）为谢霆锋的《十二道锋味3》献出第一次，首次参与真人骚！拍摄当天，（Maggie）的心情相当好，穿上玫红色帅气皮装，束上简单半马尾造型，帅气之余添几分活泼，而且保持住一如既往的窈窕身材及绝佳气质，果然是女神！张曼玉与霆锋同游伦敦，从小熟悉伦敦的她自发担当导游，带霆锋体验伦敦美食。在伦敦标志性的双层巴士中，两人一边欣赏景色一边品尝英式下午茶，Maggie还兴奋地谓：「英国女王也吃这个！」之后她又带霆锋去一间自己最爱的音乐酒吧，提出英国美食最不可或缺的就是「啤酒与音乐」的结合。而节目中Maggie更向霆锋剖白了自己选择退出银幕12年的原因，在本周六播出的节目便会有答案。

陆汉洋爆同苟芸慧有发展机会？

苟芸慧绯闻男友车手陆汉洋（William、原名陆恭和）出席天梭表活动时，透露自己当年入大学时，父亲送他一枚天梭腕表，望他能挑战自己、冲出国际。他透露自己将出战下星期的澳门东望洋大赛，届时与国际顶级车手较量。问他的女友会否到场？他说：「我冇女朋友喎。（苟姑娘呢？）系朋友。（佢会唔会嚟睇？）唔清楚，冇特别通知。我每年嘅赛事，无论赛车定唔系赛车嘅朋友都会去睇。」他指有邀请好友关心妍老公杨长智出席，又表示因家中有点事，故不方便出席契女杨荣心的百日宴，感到可惜。而问到他多次被拍得与苟姑娘外出，有没有发展机会？他说：「同朋友去街同发展机会两样嘢。可能佢系娱乐圈嘅人，所以有呢个误会发生。（将来有冇发展机会？）将来嘅嘢冇人知。（苟姑娘系咪你女神？）我由细到大嘅女神系锺楚红。（有冇人可以取代佢？）你哋觉得有冇人可以？红姑喺华人心目中系永远女神，就算唔系都三甲。」

声称自小习武　郑俊弘竹棚单挑伍允龙

艺人伍允龙、郑俊弘等现身将军澳电视城，为《万千星辉贺台庆》环节「越战越强真功夫」彩排，二人在竹棚上以长棍对打，画面惊险。伍允龙与郑俊弘原来是刚刚认识便要上场，郑俊弘透露有在平地试招，但到竹棚上感觉有好大分别，感觉会有难度。问一身好功夫的伍允龙，会否担心误伤郑俊弘？他笑说：「佢都系高手嚟，佢学蔡李佛。」郑俊弘则说：「细细个开始学，学咗十几年，好开心有机会表现吓功夫。（有睇《城寨英雄》？）有呀。（有兴趣拍打戏？）都有兴趣，可以试吓，趁后生体能OK。」伍允龙即笑说：「咁下次由我唱歌！」首次为台庆表演的他还说：「今年好多第一次，第一次帮TVB拍剧，第一次台庆表演。（再倾拍剧？）工作安排到出年年中，要睇晶哥（王晶）安排。」

黄宗泽人前人后两个样　网民：好心寒

艺人黄宗泽（Bosco）感情尚未有着落，但喺剧集《幕后玩家》中就艷福无边，经常畀「最强小三」刘佩玥性感挑衅，搞到佢抵唔住诱惑发展婚外情！除咗演情欲戏驾轻就熟外Bosco更因剧集角色而被封为「变脸王‧宗泽」！Bosco喺办公室内骂爆上司邀功，爱出风头，仲抢走晒佢啲客，搞到佢吞唔落呢啖气，仲凶上司收番封解僱信，结果被大骂反骨仔！最令人睇到牙痒痒嘅系「假面人」，人前人后都扮成好爸爸好老公嘅Bosco经常以工作忙碌为由唔陪家人，难得出席囡囡嘅生日Party，竟然冇留低食蛋糕，老婆龚嘉欣就叫佢打包蛋糕返公司食，佢就劲虚伪一口答应，仲喺阿女面前嘟嘴示好，点知一落楼，一句唔该都冇，就即刻掉个蛋糕落垃圾桶，仲一脸不耐烦，网民都话睇到好心寒，仲纷纷戥阿女唔抵囉，有网民留言话：「对唔住老婆都算，对个女都咁假，乜做公关要咁假嘅咩？」

    关注 微文阅读推荐