62岁“烈火奶奶”因肺部衰竭今晨离世！曾在内地染病，20万仲未医好！

62岁“烈火奶奶”因肺部衰竭今晨离世！曾在内地染病，20万仲未医好！...

资深演员鲁芬在新年期间身体不适突然入院，有指她身上插满喉，据知是免疫系统出现问题，情况令人担心。当时鲁芬用短讯回覆媒体表示：「多谢，有心。身体健康！」但今天凌晨，传出鲁芬离世消息，家人发声明指鲁芬因皮肌炎导致肺部衰竭，离世终年62岁（1954年4月7日 - 2017年2月6日）。



声明全文如下：谢谢！

鲁芬挚爱家人字

6/2/2017 」



鲁芬原名张伟芬，在湾仔区长大，中学时期是运动方面活跃份子，擅长铅球及跨栏等运动，更于校运会夺得铅球金牌。除咗运动之外，唔好睇鲁芬外形粗犷，佢亦识得玩中国乐器阮琴。



不过因为鲁芬身形魁梧、举止豪迈、讲嘢又粗糙，搞到唔少人都以为佢真系山东人。其实早年鲁芬BB曾透露自己出生于上海一个家庭，并由来自山东嘅奶妈凑大，佢笑言被迫饮山东奶妈奶水大，所以体形先至会咁高大。早前鲁芬BB录影有线饮食节目时，更首次喺幕前大显身手煮家乡上海菜，佢表示：「可能奶妈系山东人，饮得佢啲奶多，变咗山东婆咁款！」又感性透露19岁时母亲离世，劝吁粉丝珍惜家人。20几岁时，鲁芬跟契爷董骠入行，起初以玩玩下性质，大部分角色都系要女扮男装，但係鲁芬一啲都唔介意，仲加埋夸张及骑呢造型，令佢演出嘅好多角色都深入民心。



1988年第一部电影《女子监狱》，喺戏入面鲁芬饰演虾虾霸霸「山东婆」一角，同郑裕玲互殴场面令人印象深刻，奠定咗鲁芬做恶人嘅地位。之后嘅电影好似1991年《整蛊专家》饰演「大白鲨」等，都系以声大恶霸嘅形象演出。



《九品芝麻官》入面嘅「烈火奶奶」就系其中之一，就系凭住呢个角色，鲁芬喺内地有唔少登台商演嘅机会。鲁芬外表魁梧体重有番咁上下，其实佢细个都有爱美之心，十几岁时曾试食减肥药，不过最后出现不适情况，所以之后就冇再减肥。虽然鲁芬外形出位，不过鲁芬亦曾笑言仲有贪靓之心，平时都会用天然嘅护肤品保养皮肤。2012年曾经有一个网络票选女神活动，鲁芬以另类姿态杀入第8位，仅仅排在陈法拉后面。2015年，鲁芬喺网络女神排行榜已经升到第5位，连陈滢、孙慧雪呢啲知名嘅「女神」都唔系佢对手。鲁芬喺访问中曾表示自己都估唔到：「多谢啲丝打巴打，因为做我呢个位都咁多人锡我，系唔容易！有时啲后生喺街见到我都会话好锺意我，想同我影张相，我就会话：『得，等你好耐啦！』」自从鲁芬BB得到「女神」称号之后，佢嘅工作量大增拍咗唔少广告，其中以和韩国人气综艺节目《Running Man》主持之一李光洙合作最为经典。



中韩两大搞笑能手合作，广告中多个造型，包括校服、运动服、沙滩服及圣诞服等，李光洙以粤语唱歌兼晒独有舞技，同扎孖辫嘅烈艳红唇鲁芬相映成趣。短片出街头三日，就已经有50万人次浏览，绝对系当时热话。

鲁芬无论在拍戏、拍广告甚至出席活动，每每博到尽，而且只会做多，不会做少，近年的动漫节经常见到她的踪影，与余慕莲、黄夏蕙等COSPLAY动漫角色，每次都能带给大家惊喜，令观众拍烂手掌。2011年鲁芬与余慕莲扮BB出场，震撼全场！从此鲁芬名字后面多了两个英文字BB。她更是扮乜似乜，2012年PSY的《江南Style》舞步大热，鲁芬就扮PSY跳舞出场，无论造型、舞步都似到十足。



2015年夏天，鲁芬在中环街头拍摄电影，全身包到冚兼且要戴假发，但她仍非常投入，导演准备开机拍摄，鲁芬即戴回假发埋位「扮嘢」，专业精神可嘉，直至导演嗌cut才脱下假发散热抖凉。

好友余慕莲接受电台访问，提到鲁芬今日凌晨因皮肌炎导致肺部衰竭离世，余慕莲表示前一晚有人以短讯通知她鲁芬病危，但不知对方何时离世。她过年前曾与鲁芬通电话，因为留意到曾志伟的节目没有鲁芬的踪影，余慕莲谓：「当时佢声音都好清楚，我问点解唔见佢嘅，佢话未好返，希望十五之后再搵我哋。（心情点？）好难过，又少一个老友，冇谂过佢咁早收工。」



说到余慕莲及鲁芬早前于舞台剧《香港过来人》合作，余慕莲指对方在内地拍摄时染病，但医了20万仍未好：「本来佢大头、担戏，之后啲对白唯有分畀人讲，佢都企唔到，要用柺杖，要坐喺度讲对白、讲少啲。佢都辛苦，朋友陪住佢。」余慕莲赞鲁芬性格乐观、高调，像男人一样做很多工作，除了代理红酒，又懂做私房菜，早前更拍广告。余慕莲称对方不介意被丑化：「佢冇所谓，做戏嘛，佢锺意钱，有钱就得。」



导演王晶今天凌晨也在微博发文悼念鲁芬表示：「鲁芬BB，大家都会怀念你所有的好。」

    关注 HKChannel