本期关键词：容祖儿 余文乐 刘恺威 郑嘉颖 杨怡 陈小春...

天后劲贴地！祖儿孖师兄搭地铁玩转东京

天后容祖儿农历年期间同男友刘浩龙去咗东京一转，咁啱喺银座遇到著名经理人黄柏高，真系开心喇！昨日凌晨，祖儿就上载咗好多喺日本拍嘅相片，当中见到佢半夜三更喺路中心留倩影，又喺地铁车厢入面戴口罩玩自拍，留言：「搭地铁好正」，睇嚟玩得好开心咁喎！其中一张仲影住碗樱花虾炒饭，留言：「要带妈妈吃这个」。啲网民即刻侦探上身猜测容妈妈今次究竟有冇同行，点都好……网民都大赞佢孝顺，真系乖女喇。去得东京梗系会去铁塔观光啦，祖儿就喺铁塔下自拍，仲有Flying Kiss（飞吻）呀！咪住，又会咁啱嘅，刘浩龙喺女友贴相几个小时后，又喺自己个社交网上载咗一条短片，系从高空拍下东京铁塔的日与夜变化，好靓呀，真系心有灵犀喇，两人似乎一齐同游东京喎。

余文乐首度提名影帝：零的突破

影星余文乐首度获得《香港电影金像奖》影帝提名，将硬撼梁家辉、林家栋、任贤齐及吴镇宇等劲敌。乐仔直言非常开心：「收到好多人祝福，今次系我首次提名，零的突破，好多身边朋友、家人、同事、导演都戥我开心，『老爷』曾志伟仲第一个电话畀我，最开心系部戏大家付出好多，今次有咁好成绩，多谢各位！」

刘恺威凑女上N班　杨幂搵钱养家吻蛇大陆女星杨幂拍戏搏命是行内公认，不过搏到咁，实属吓人！赵又廷上载一张相留言：「此物很危险，模仿须谨慎。」相片中见到杨幂拍摄电视剧时亲吻毒蛇，仲一啲都唔惊，真系好大胆！赵又廷再三提示叫大家唔好咁做，令大批网民替杨幂胆心，不过经记者再三查证，呢啲只系特技，条蛇只系玩具嚟，咬唔到人嘅！但系像真度极高。至身喺香港嘅老公刘恺威就负责凑女，佢带住小糯米上N班，头戴灰色鸭舌帽显得好低调，不过仍然有人认得出佢就系刘丹个仔，虽然冇妈咪陪伴，但小糯米同老师依然玩得好开心，而刘恺威就睇到入晒神，唔知有人影佢相呢！

郑嘉颖气场劲　吓到吴业坤咩都凸出嚟！

无线剧集《迷》演员郑嘉颖、田蕊妮、吴业坤、赖慰玲、简淑儿、曾航生、泰臣、何绮云等在将军澳宣传新剧。《迷》是郑嘉颖离巢前为无线拍的最后一套剧集，角色亦有突破，饰演小男人角色，阿田笑说：「估唔到佢可以做小男人角色，你知佢平时啲气场几劲，企喺度三呎都冇人敢埋身除咗我，吴业坤见到佢咩都凸晒出嚟啦，佢系气场好劲嘅人。」郑嘉颖笑说：「我都唔知点解，我乜都冇做，净系唔出声，我唔出声就系咁嘅样冇表情，唔通四万咁口，人哋以为我傻㗎。（现实中系大男人定小男人？）我都系做番郑嘉颖，唔觉得系大男人。」

郑嘉颖新年去了美国登台，出发前与女友陈凯琳两家人一齐食饭，回港后当然有到女友家拜年。

过年食多咗　杨怡狂做运动晒白滑长腿

艺人杨怡（阿怡）早排就完成上海嘅舞台剧，之后仲可以同老公罗仲谦一齐过新年，真系好开心。新年当然就食唔少美食啦，不过作为女明星就要时刻保持状态，所以昨日阿怡就喺社交网站同网友分享佢做运动嘅相，仲话：「新年食咁多，系时候要还#hype #dance #yoga。」相中就见到阿怡大晒身材同埋佢白滑嘅长腿，好多网友都留言大赞阿怡好fit，不知几羡慕佢身形咁话，仲有网友觉得阿怡都仲系好瘦，叫佢可以再放任啲，食多啲嘢！

陈小春发千字文呼吁保衞广东话

艺人陈小春在微博发文一千九百几字呼吁「保衞广东话」！这篇长微博实时引发了网民热议。缘因是他早前在饭局上遇上一名湖北姑娘，对方嫌弃粤语，认为「没甚么好学的」、「粤语没文化」。令小春很不满，于是在凌晨发长文，罗列「保卫广东话」的理由。

陈小春说，有1,300年历史的唐诗、宋词就是用粤语写的，所以用粤语才读得通顺。而普通话只是500年前北方蒙满胡语杂交变种出来的，比起粤语单薄粗疏。他更列举了苏轼、李白、杜甫等人的诗句，例证粤语是传承中华古代文明的载体，说粤语没文化实在是羞耻。其实，关于粤语到底是不是古汉语，一直以来争议很大，而很多广东人都认为唐代语言是粤语。而2012年，吴镇宇参加大陆以普通话作语言的综艺节目《天天向上》时也这么说，还现场用粤语念了一首李白的《将进酒》。

    关注 HKChannel