不得了！不得了！广州呢间日式餐厅，居然连谭校长都嚟帮衬

经过寒潮暴雨寒冷嘅连环魔法攻击之后，失踪已久嘅太阳伯伯终于露面啦?。夏天已经静鸡鸡来临，夏日美食又点少得刺身。今日，就等小编带大家嚟一场久违嘅深海之旅。

喺广州食刺身，原誌居酒屋肯定係个好选择，就连孙楠、谭校长都帮衬过。皆因呢度每个星期都有空运嘅飞机货，食材新鲜价钱又地道，性价比极高。趁住原誌居酒屋开咗新分店——原誌居酒屋V+精细料理，一于去试试。



新店环境好干净，而且布置得好企理，服务员都好醒目，一坐低，就会自觉冲茶递菜牌，服务好周到。

打开菜牌，就好似行入咗一个海底世界，各种鲜虾、鱼类、螃蟹、植物都喺身边畅游舞蹈，为炎炎夏日增添一份清凉嘅舒适感。唔讲咁多，快D整份虾刺身嚟食食先！



虾（哈）虾（哈）虾（哈）虾（哈）虾（哈）！虾刺身食得多，不过品种咁多嘅虾刺身就好少见。阿根延红虾、俄罗斯牡丹虾、新西兰小龙虾、太平洋深海蓝虾、北海道甜虾，足足5款，大饱口福。



当中最罕有嘅係来自太平洋深海无污染嘅蓝虾，喺广州可能得呢度至有得食。虾身比较黑，因为常年处于寒冷深海，要不断伸展四肢游泳，所以虾肉相比其他虾品要发达好多，入口亦富有弹性同劲道。除此之外，俄罗斯牡丹虾以及新西兰小龙虾都係呢道刺身拼盘不可多得嘅矜贵食材。



当然，店内都有单独嘅蓝虾刺身供应，想食嘅朋友仔唔好错过啦，其他地方冇得食噶。



喺咁多虾刺身里面，绝对唔少得甜美嘅牡丹虾。牡丹虾又以俄罗斯海域嘅最为知名。平时高大上嘅牡丹虾，喺原誌亦十分亲民，128蚊就食到半打，呢个价钱，简直系业界良心



虾身晶莹透亮，充满美感。解冻之后食入口，Q弹软糯，味道鲜甜无比，虾肉亦十分肥硕。



蘸D青芥直接摆入口，口感甜糯爽滑，马上漾化喺口腔之中。



北海道松叶蟹係当地三大名蟹之一，蟹肉出名甜腻甘美，虽然冇帝王蟹食得咁过瘾，但係胜在肉质甜美细腻。原价58蚊，宜家特价35蚊，唔食就对唔住自己啦。

食松叶蟹，另外一个享受就係丰富嘅蟹膏。蟹膏油润甘香，可以感受到每一粒蟹籽喺口中运动，慢慢咀嚼、消化，再崩裂出鲜美嘅甘香。

千奇唔好畀佢个名吓亲，因为马粪海胆真係好正嘅刺身！食一啖，就立即被直入喉舌嘅清甜甘沥折服，啫喱嘅口感，轻轻咬开海胆肉，质地如同上等黄油，滑嫩又充满质感，唇齿留香！因为每日限量供应，所以想食嘅要趁早啦。

同海边嘅渔夫一样，原誌都讲求不时不食，每个季节嘅新鲜海鲜，都可以喺原誌呢度食到。皆因逢星期三、六原誌都有从筑地直飞广州嘅飞机货海鲜，池鱼、莲子鲷、玫瑰斑、针鱼、象拔蚌、金枪鱼、海胆……令每一位食客唔使去日本，都可以食到最新鲜应季嘅海鲜刺身。喺原誌，食得到嘅仲有海底嘅植物，具有“绿鱼子酱”之称嘅海葡萄。外形浑圆饱满，十足一串串晶莹剔透嘅葡萄。食入口，咬起身会有卜滋卜滋嘅声音，绿色小颗粒会散发出海味嘅咸鲜芳香，颇有鱼子酱嘅神韵，味道都有D似鲑鱼卵。来自深海嘅美味，真係唔讲笑！

为炎热嘅夏天降降温，原誌仲特别喺外地定制咗黑番茄（Black Tomato）免费送畀到店嘅客人！黑番茄原产南美洲，被世界卫生组织评为全球十大健康蔬果第一位！佢嘅果色和果实都呈红黑色，味道有浓郁嘅水果香味，酸甜适度，营养价值高。



黑番茄又叫“叻果”，功效如其名，好叻叻：①预防癌症；②增进视力；③防衰老；④清除人体有害自由基；⑤改善睡眠；⑥加固血管，改善循环；⑦含丰富花青素，具有超强生态功效。原誌嘅黑番茄沙律有两种食法，一种係用水果打匀成酱汁，拌入冰草、黑豆、玉米、黑番茄里，香甜适中，十分清爽。↓





而另外一种黑番茄沙律就係直接用新鲜嘅黑番茄倒入胡麻酱，用最简单嘅食法，感受黑番茄酸甜嘅口感以及胡麻酱特别嘅香。↓





除此之外，原誌仲有自制嘅黑番茄干，丰软香绵嘅口感，又係另一种特别嘅享受。作为伴手礼或者零食都好唔错。↓



咁有益嘅黑番茄，当然要每日嚟一个啦。原誌宜家都有黑番茄外卖服务，试食期间，一斤（约8个）只要22蚊！一日一只黑番茄，无病无痛又靓靓！原誌自制嘅鹅肝，听讲从入货到出品，要足足经过5日时间嘅秘制！外表同朱古力无差，但係比朱古力更加香醇，入口即化，咸鲜甘醇，超级绵软，真係好似施咗魔法噉，奇幻又美妙！



悠闲嘅中午，嚟一份简单嘅丼饭，如果可以加多D喜欢嘅刺身，就更加满足。原誌呢个北海道甜虾丼，足有12只甜虾咁多，摆满喺甘香软滑嘅米饭上面，食嘅时候淋上酱油，拌一拌，就係一道美丽嘅日本风情画。

除咗飞机货，原誌另一个与众不同嘅地方就係呢度有老板从各个地方收集而嚟嘅特色清酒，大部分嘅酒都系其他地方冇噶！就好似以下呢款金箔清酒，酒里面含有食用金箔，清亮透明，芳香宜人，就係谭校长嚟广州嗰阵，指明要饮嘅清酒！

你冇睇错，呢个谭校长套餐真係香港嗰个谭校长喺原誌居酒屋嘅点餐！上个月谭校长嚟广州开巡回演唱会，就专程叫咗原誌外卖。套餐包含多款名贵精致嘅料理，仲有金箔清酒。想同谭校长食一样嘅美食，就快D嚟品尝啦！听讲用某团购app落单，仲有立减100蚊嘅优惠，即498蚊就食到咁多多多嘢↓↓↓！抵到爆！

名称数量单价小食火糖玉茄山梅干1份28元冰封法国鹅肝2片29元招牌鳕鱼片1份35元蔬菜胡麻将菠菜1份28元刺身拼盘金箔蓝鳍拖罗2片98元云丹（海胆）1份38元鲑鱼籽1份48元俄罗斯白牡丹虾2只28元加拿大北极贝2片10元法国刺身生蚝2只38元寿司拼盘蟹子寿司1件11元鲑鱼寿司1份11元帆立贝寿司1份12元赤焰蟹肉寿司1份14元赤身寿司1份12元日本甜虾寿司1份12元主食汁烧鳗鱼杯饭2杯38元和食文火煮金枪鱼眼1只98元精品烧烤杏鲍菇串烧1串10元帆立贝串烧1串15元特大老虎虾串烧1串28元巴西牛舌串烧1串10元铁板铁板香煎黄鱼1条58元酒水2选1(不可重复选)蓝瓶上善如水1瓶（300mm）288元金箔大吟酿1瓶（300mm）288元其他茶位2位6元最高价值团购价1250元598元



路线指引：乘坐地铁一号线或三号线至体育西路H出口，直走至第一个街口右转，直走约100米即可到达

地址： 天河区 天河南一路106号1楼101号铺(正佳广场南门斜对面7-11转入或者周黑鸭往里面走30米)

营业时间：11:30-23:00（星期六、日全天营业）

电话： 020-85167683 18027314423

    关注 广州笋嘢益街坊