TVB《殭》边个角色最黑人憎？

又到左导演“点指兵兵点中谁人做大兵”唔好理总之死翻件先够感人既时刻！究竟边个角色最黑人憎？TVB《殭》就快大...

TVB《殭》就快大结局，边角色最讨厌？想佢快啲死！（多选）

• 蓝梦瑶
• Yoyo
• 谢安琪个妹
• 十几年唔识讲嘢，嫲嫲个细孙女
• 睇唔开去跳崖嘅上官金玲
• 自动放弃人类种族做僵尸嘅女人
• 做完僵尸要杀家姐嘅女人

《殭》中梦瑶(陈凯琳)一直痴恋活著(郑嘉颖)，更甘愿为对方变成殭尸，希望能够一齐长相厮守，可惜活著已心繫家姐梦南，加上受阮冰(陈滢)唆摆，结果梦瑶因爱成恨，更认为系梦南抢走活著，昨晚剧情梦瑶更变殭尸插爆家姐！其实呢幕肯肯肯定系陈凯琳全剧演得最好一幕，事关佢插爆家姐后变声嗰个丧狠毒样，入型入格，连网民都认为陈凯琳演得入木三分！唔知郑嘉颖睇到女友癫狂一面后，会否吓亲呢？梦瑶原本想接受家姐梦南及活著相恋事实，不过，当见到梦南为活著包扎伤口时，心内不是味儿！之后梦南叫梦瑶去买外卖，期间梦瑶折返，得知梦南原来刻意使开佢，等佢唔使咁难受，更听到阿刑话以前照顾佢都只因应承过梦南，对此梦瑶反而对梦南更加憎恨！其实使去买外卖啫，打电话叫外卖鸡咪得萝！

梦南见梦瑶神情唔妥，即跟梦瑶出外，途中一直劝梦瑶若有不快事，记得要同佢讲，又话可以学佢将唔开心嘅事记落小器簿当发洩，不过，瑶瑶当时已经极度失落，更怒睥实家姐，向梦南说幸福嘅人唔使写小器簿，梦瑶愈谂愈嬲，更变身殭尸偷袭杀梦南，幸好梦南及时转身，梦瑶事败，表示唔舒服走先，梦瑶开始心神恍惚！

梦瑶食早餐时，突然见到活著同梦南恩爱进餐，二人互相喂食，表现极度痴缠，令梦瑶大感气愤，而自己想饮杯血时，更俾梦南捷足先登！梦瑶一怒下掟杯发洩，其实一切都只系梦瑶幻想出来，更因此吓亲紫红(罗兰)，紫红见状十分担心！

紫红跟梦瑶表示好耐都冇见梦南，梦瑶即起歪念提议叫家姐返嚟一齐閒话家常，实则想趁机下毒手！三人共聚时，姊妹两人齐听紫红劝导，二人更话要为紫红下厨，紫红见姊妹感情要好，大感安慰！期间紫红出外，离家后梦瑶即变脸，突然对家姐抢走活著心生怨恨的梦瑶，觉得对方横刀夺爱太过份，于是趁机变殭尸，从后袭击梦南，而瑶原本想插落梦南心脏将其置诸死地，幸未伤及要害。

梦南对梦瑶向自己袭击感到难以置信，此时梦瑶已陷入歇斯底里嘅疯狂状态，更嬲到声都变埋，仲话恨不得想梦南死，而梦南听到后伤心流泪，梦瑶打算取南性命，说佢死后幸福便会返来，千钧一髮之际，幸紫红重返拎银包，梦瑶大惊，紫红见状即上前扶实梦南，并大骂梦瑶想家姐死唔系人，梦瑶就话因为南所以佢先变成殭尸！跟住又指紫红偏心，因为佢的同梦南根本冇血缘关系，更癫左系咁拍枱！最后梦瑶离开，紫红扶梦南上床休息并冇大碍。

    关注 Crownhin