广东农村人嘅友谊，省城人系绝对唔会明！

 





最近好流行呢句：“友谊嘅小船，话翻就翻”......我想讲，系你地省城人太矫情，感情仲薄过张纸！我地乡下长大嘅兄弟姐妹们，唔系咁噶！我哋农村人嘅友情点解会咁好，你哋唔明噶！因为我哋系经历咗好多风风雨雨，共享过好多开心快乐，先有今时今日嘅友谊！你省城人地系唔会明噶！

仲记唔记得村口果个榕树头？果一年，我哋一齐玩波子，赌公仔纸，打噼啪枪，捉知了，煨番薯.....果D时光系几咁快乐！

记唔记得当初你卖甩我哋独自去偷欢？俾我地知道咗，全部人围攻你！从此以后你再都无收收埋埋......屋企有咩好食嘅，你都会带出嚟大家食；买咗新玩具，都会同我哋一齐研究......

即使我哋之间有争吵，有意见，可以痛痛快快打一餐，打完之后又系好兄弟，呢D都唔会影响我哋之间嘅友谊。

细细个嘅爱慕，暗恋，明恋，宜家已经转化成坚固嘅友谊。谂翻起果段感情，好似傻更便咁，剩低嘅只有天真无邪嘅怀念。

果时候嘅开心同唔开心，点滴在心头。因为你哋，我先有果段开心快乐嘅岁月！唔敢想象，我嘅童年，如果冇咗你哋，系几咁苍白无味。

你哋係我最苦难嘅时光陪住我，俾我最开心嘅日子，我会永远感激！我哋曾经互相帮助，无怨言，唔讲利益，都无钱权交易。以后你去到天涯海角，我都会永远挂住你哋。

.

↓↓↓底部有评论区哦，快D讲下你嘅睇法啦