【有片】新女友搭巴士現真身 周永恒新歡係「美圖秀化人」？

自認係「人渣」嘅周永恒(Roy)，自從因為小三劉依靜(Ruby)而打老婆趙頌茹(Yu)後，形象直插谷底，之後...

自認係「人渣」嘅周永恒(Roy)，自從因為小三劉依靜(Ruby)而打老婆趙頌茹(Yu)後，形象直插谷底，之後有傳Ruby進駐埋阿Roy天水圍嘅屋企，但係冇耐佢哋又分咗手，跟住阿Roy又搭上擁有34D上圍嘅o靚模黃芊詠(Cherie)。

雖然佢哋經常喺網上晒恩愛，不過結果又係嚟得快去得快，今年9月，Cherie主動聯絡《蘋果》，自爆因為阿Roy搭上大陸妹而分手。讀者鄧小姐透過《蘋果》爆相爆片，日前喺元朗見到阿Roy同疑似新女一齊搭B1號巴士，鄧小姐話覺得嗰個女仔個樣有啲似大陸人，佢話﹕「架巴士係由落馬洲開出，去到新元朗中心，我咁啱坐對面巴士見到佢哋。最初個女仔個頭係挨落周永恒度，都黐得幾埋，後來見有人望就有少少驚縮開，唔敢再同周永恒講嘢。」

睇到啲相見到呢個女仔個樣比較普通，打扮都好密實，同前度Cherie絕對係兩種人，聽講阿Roy自從與Yu分居後，已經搬咗返去同天水圍同媽咪住，所以估計Roy係同新女一齊返屋企。

不過喺阿Roy嘅facebook入面，擺咗唔少同新女友嘅合照，原來佢o依家同一個叫Britni Chan嘅女仔拍拖，喺Britni嘅fb裡面，居住地點係嚟自廣州，不過睇到Britni啲相，全部都經過美圖秀秀，同鄧小姐嗰日喺巴士度見到嘅，只係覺得輪廓有啲相似，差啲以為係兩個人，不過呢啲舉動絕對符合國情。阿Roy喺fb入面，亦都係有一貫晒恩愛嘅作風，好似留言話：「為了你，我會更努力做好！」之後再tag埋女友個名，而女友亦都有喺fb post相放閃，嘩！sweet到呢！



百蚊有找嘅藍牙耳機！

（天水圍公衆號綜合各大媒體報導）



點擊“閱讀原文”有片睇！

    关注 香港天水圍