你仲记唔记得，那些年，原汁原味的广州童谣，老广们还能唱出几首？

 

点虫虫

点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。

萝卜头

萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。

氹氹转

氹氹转，菊花圆，炒米饼，糯米团

五月初五系龙舟节，阿妈距叫我去睇龙船

我唔睇，去睇鸡仔，鸡仔大，我拎去卖

卖得几多钱，卖得三百六十五个仙！

猜情沉

情沉剪，情沉包，情沉糯米叉烧包。

老鼠吾食隔夜包，要食香口胶。

我有几文鸡

落雨大

落雨大，水浸街

阿哥担柴上街卖，阿嫂出街着花鞋

花鞋花袜花腰带，珍珠蝴蝶两边排。

有只雀仔跌落水

月光光

月光光，照地堂，年卅晚，摘槟榔，

槟榔香，摘子姜，子姜辣，买菩达，

菩达苦，买猪肚，猪肚肥，买牛皮，

牛皮薄，买菱角，菱角尖，买马鞭，

马鞭长，起屋梁，屋梁高，买张刀，

刀切菜，买箩盖，箩盖圆，买只船，

船浸底，浸亲两个番鬼仔！

一个浮头（一个摸慈姑），一个沉底（一个摸马蹄）。

大笨象，咩支枪

大笨象，咩支枪，揸支竹仔去打仗

打完仗，返嚟食碗辣椒酱，

隔篱屋企烧炮仗，问你响唔响，唔响升你两巴掌。

排排坐，食果果

排排坐，食果果，猪拉柴，狗烧火，

猫儿担凳姑婆坐，坐烂个屎窟唔好赖我，

赖翻隔篱个二叔婆。