以下喺来自一位业余足球界嘅裁判员心声

我喺一个裁判员，我想讲几句......





武汉“洪兴”输波暴打苏宁易购已经火遍全国。成为足坛热点。其实小编喺一个业余足球界嘅小小裁判员，小编真心为呢场比赛噶几位裁判觉得好彩，因为呢滴咁大火气咁无球品噶球队一旦唔爽裁判，分分钟连裁判都打埋一份。

夏天30几度高温，烈日当空执法比赛。又唔可以担遮，所以通常你见到做裁判嘅都系肤色好黑嘅人，日日晒，中暑感冒发烧叠埋一起喺好正常。



冬天得过几度，寒风阵阵执法比赛，无可能着件羽绒上场嘅。边裁会更加惨，因为好多时候都喺企喺度任风吹，分分钟又系发烧感冒训低。



仲有狂风、暴雨各种攞命噶天气，遇上雷雨闪电你冇话唔惊。



有人话咁球员都一样喈，但球员踢一场就唞得，仲有得换人、偷懒回气，而业余裁判，一日执法几场比赛喺好正常嘅事，无论从体能，生理，心理都系一个极大嘅考验。



其实，除咗季节、天气，最大问题就系人身安全成日受到威胁。

职业赛场上，球员打裁判会被终身禁赛。好显然，打裁判喺一个严重极度恶劣嘅行为，必须零容忍！



同职业赛场不一样，系业余比赛中，裁判员却得不到足协或者组织嘅保护，导致业余球员同业余裁判产生矛盾嘅时候，好容易会采取极端嘅报复手法处理。



无球品、素质低噶球员，成日觉得会裁判针对佢、唔公平，各种问候裁判同裁判屋企人，威胁只抽、拖马群殴裁判，更有甚者真系“讲到做到”。



其实，踢球都喺求开心啧，踢业余波，我哋无可能请到国际级嘅裁判来执法，业余足球嘅裁判，其实佢地本身都喺一个普通球迷，通过各种考试取得裁判资格证书，以一技之长赚点辛苦钱。



好似呢位裁判兄弟咁，做场比赛连命都无鬼埋...



我同大家一样，好憎黑哨。睇波遇到争议判罚都会报以“叼”一声。但对于一个正常裁判员来讲，好多时裁判都系根据自己谨慎噶判断俾出判罚，尽量避免误判嘅出现，呢个喺我哋嘅职业操守。竟然请得裁判就请尊重裁判噶判罚，其实裁判同你无仇无怨，不可能会有心针对。有误判，大家都唔想，世界杯都有误判啦喺咪？一粒如此咁至关紧要嘅入球被抹杀掉，唔同林伯又要同裁判只抽咩？

    关注 广州足球粤语频道