杨怡约满无线 不着急生宝宝

杨怡到电台接受薛家燕和林盛斌等人的节目访问，期间薛家燕送上鲜花和双囍牌，并出口术笑住催杨怡洞房：“挂咗个牌就...





杨怡到电台接受薛家燕和林盛斌等人的节目访问，期间薛家燕送上鲜花和双囍牌，并出口术笑住催杨怡洞房：“挂咗个牌就要洞房，要挂喺床上，望到佢就会谂起洞房，今晚就好挂啦，阿谦（罗仲谦）喺唔喺香港？喺就今晚好挂啦！”林盛斌又叫杨怡记得留意体温，搞到杨怡不停笑。

婚后想过二人世界


受访时杨怡则谓不心急生B：“呢样系随缘，系天意，唔会刻意，如果有会同大家讲。（Ready好生B未？）我Ready有新嘅身份，睇吓点样照顾好屋企同家人，希望调理好自己，他日如果有小朋友睇吓点样做好新角色，但生小朋友就冇谂时间。（会唔会挂起个牌？）唔知系咪咁用，薛家燕话传个牌畀我生小朋友，个牌系几喜庆，新年啱嘅会挂出嚟，有机会就试吓。（成日畀人问洞房尴唔尴尬？）冇，大家讲笑，大家期望，结得婚都预咗生小朋友。（阿谦想唔想生B？）因为我哋年尾摆酒，想完咗呢个仪式先有完整人生计划，先开始人生另一页，所以今年唔谂呢样嘢，同埋结婚后都想有二人世界嘅时间。”

约满无綫自由身


至于讲到跟无綫刚刚约满，杨怡表示现时是自由身，但不排除会跟无綫有另一方式合作：“始终做咗咁多年，依家自由时间多啲选择，可以接触唔同嘅嘢，可能会返内地发展或其他元素嘅嘢，但唔排除会同TVB有另一方式合作，有适合剧本都会接。（拍剧会唔会系呢一年嘅事？）暂时唔会，呢段时间都会做好要处理嘅事，所以呢半年都唔会。”

问到《末代御医》会否最后一套剧？杨怡笑言：“唔好咁讲，咁啱个名啫，其实都系好事，咁啱出街撞正喜事，迟啲都会拍剧，不过产量冇以前咁密，可能一年一、两套。”


良性竞争系好事

另外，讲到疑因为ViuTV开台而抢了《末代御医》收视，她表示：“我都有睇ViuTV，人系要吸收新事物，我自己套剧都有睇，但唔好讲抢收视，呢啲系良性竞争，观众多咗选择机会，有新频道系百花齐放，系好嘅选择，所以唔好话抢，大家锺意睇咩台冇得控制。”

长按识别二维码关注

    关注 TVB剧透社