【短篇小论】珍宝源正HQK6128N5GJ

迷之“胚胎”牌...



近日，珍宝购入嘅三台源正新车正式上路了，呢批车係源正第一批南宁以外嘅订单啊！咁源正呢间公司係乜嘢来头呢？咁就要提下珠海嘅广通客车了，咁提起广通客车，大家会霖起乜嘢？央荐二代？No，果个係广通汽车，就係珠海周街都有，董大妈以个人名义入股嘅厂家。咁广通客车係乜嘢性质呢？其实广通客车同广通汽车本是一家人，不过后尾唔知点解，广通汽车就俾银隆收购了，而广通客车就转业，基本上做出口车嘅生意(香港嘅进口双巴有好多係广通客车组装嘅)。咁广通客车同源正之间有咩关系呢？源正客车最初嘅主要技术同部分资金来自广通客车啊！咁点解型号係HQK开头呢？果个唔係广州原来嘅红桥客车咩？呢个又牵涉出另外一样嘢，广通客车之前收购九龙鹏宇，而九龙鹏宇就係广通客车用来收购红桥呢个“壳”嘅一个棋子。喺收购红桥之后，佢哋就将厂设喺广西南宁，然后将资质都转让俾大股东深圳源政，所以源正依加实际上同广通客车冇咩关系了。有趣嘅係，源正嘅品牌名称叫做“广客牌”，咁又好尴尬，呢个同广州嘅一个经典客车厂重名了。不过佢哋之间并冇乜嘢关系，呢个广客牌其实係“广通客车牌”，真係十分有趣。 不过有件事又好有趣，中兴收购咗广通客车，喺收购行动被宣布之前，源正居然把品牌名称改为“紫象”牌，而厂家logo也从广通客车的logo换成新logo，睇来都係要同广通客车撇清关系了。照此而言，珍宝呢批车好有可能就係源正“广客”时代出产嘅最后一批车？买个车都可以扯出呢种剪不断理还乱嘅关系，呢个先係真真正正嘅有趣。

说了一堆废话，睇睇新车好过啦。睇下外观，真係必须要感叹下，南宁嘅公交公司同广州珍宝白马买车嘅口味都差唔多，又係封尾大法好！其实可以讲，呢批车係珍宝现役最高级嘅车，一踏气囊呢啲嘢就跳开唔讲。车身钣金用料就要讲下，呢批车居然同最近好火热嘅比亚迪电动车一样，采用全铝车身，所以呢款车嘅蒙皮都同比亚迪一样，分成一块块的，呢款车都係珍宝第一批采用全铝车身嘅车。讲翻外观造型，其实个人认为呢个造型算係好顺眼好好睇，毕竟呢个外观曾经用于出口车，不过个人认为车尾嘅封尾设计方正笔直，同曲面线条较多嘅车头形成好大嘅反差，有啲唔协调，而且车尾嘅散热孔好奇怪，居然开到线路牌旁边，导致线路牌变细了，有啲接受唔到。车身尺寸方面，呢款车嘅长宽高为11990mm×2500mm×3250mm。外观睇落又几掂下，咁内饰呢？睇睇司机位，仪表台造型有种似曾相识嘅感觉？远睇OK，近睇就觉得源正嘅车都係要俾啲心机啊！呢个装配水平实在係一般，仪表台上部同下部缝隙偏大都可以忍受，但係安装位置对唔上就真係妙了。可以睇到，呢款车嘅驾驶室采用半包围设计，呢批车都係珍宝第一批采用半包围驾驶室嘅车。其它都係普普通通嘅东西，汉纳森CAN总线，通达电子线路牌，卡福刹车阀，凯迈缓速器，奥特底盘润滑装置，都係珍宝嘅惯用配置。看看乘客区，无论係从地板胶嘅款式，定係珍宝常用嘅“夹式导向图框”，都散发住南宁车嘅气息。可以睇到，呢款车係一级踏步低入口车辆，呢批车係珍宝继亚运期间购入20辆一踏安凯HFF6110G50L后，再次购入一级踏步车辆，同时係珍宝第一批一踏低入口气囊车。不过虽然係一踏车，亦都留有水塘位，但係呢款车居然冇配备残疾人轮椅踏板！尴尬到唔识讲。另外可以睇到，水塘位旁边嘅车窗居然係一个外推式逃生窗，呢个亦都係珍宝第一批配有外推式逃生窗嘅车。不过可以睇到，其实呢款车嘅乘客区空间都算大，即使前右辘导航位上面安装两排凳，过道都留有好大嘅位置，顶闸果阵都企得唔算辛苦。乘坐感受方面(建议大家喺WiFi环境下观看视频，土豪请随意)，由于345呢条线嘅路况都算复杂，有烂路，有大斜坡，所以真係可以试出一款车係好车定係坏车了。个人认为，源正呢批车嘅表现算係中上了。喺广汕路嘅烂路可以体验到呢款车嘅气囊算係比较软，整车震动唔算大。而动力性能方面，喺李伯坳大斜坡就可以体现出来了，即使喺磨合期，未踩到尽，都可以挂住5档唔退档就可以上几个连续斜坡，动力算係比较强。而且呢款车嘅刹车都算比较好，缓速器同碟鼓制动配合得几好，落斜坡果阵刹车都算比较平稳。

机械方面，呢款车采用最大功率为191kw嘅玉柴YC6G260N-50国五天然气发动机，搭配杭齿5T-120 5速手动变速箱，空调采用凯希出品。前面就讲到呢款车有几犀利几高级，依加就想吐槽下，喺呢个时代，水箱同中冷器散热扇唔用电子扇就算了，连将水箱同中冷器纵置，用角传动风扇呢种配置都唔舍得买，打住高配嘅衔头，用最低配嘅发动机仓配置，确系有啲格格不入。底盘行走方面，呢款车选用福州新福达出品嘅FZ6119U5N5三类底盘，地台采用一踏低入口设计，悬挂采用凡士通气囊悬挂，气囊高度阀采用瀚德出品。该车前后车桥均采用东风德纳出品，前桥采用双推式刹车夹碟刹，后桥采用鼓刹，配有ABS系统。睇睇后桥嘅气囊架就觉得有趣，居然唔係采用一般嘅扁担梁设计，气囊支撑点咁靠近底盘中间都算比较少见，而且可以睇到，呢批车可能是先装配好再涂上涂装，喷漆水平实在一般般。

最后想讲，其实公交企业喺呢个时代买嘅车，係咪要下下都自动波同低地板桥配合先叫好车呢？其实堆一堆好配置嘅车未必係好车，好似珍宝呢批源正咁，一踏气囊低入口，前碟后鼓，手波，搭配技术较老嘅玉柴6G发动机，用起身嘅感觉分分钟好过果啲所谓嘅高级车，听讲珍宝以后会继续买源正嘅车？如果係嘅话，呢种好车请多买一啲啦→_→

    关注 Busfans