澳門股神買

股神巴菲特罕有提及樓市！到底要不要買樓﹖要買什麼樓......通通都告訴你

股神巴菲特罕有提及樓市！到底要不要買樓﹖要買什麼樓......通通都告訴你...

股神慳錢建議：「買細單位自住」

中環街市中環街市2017年5月月

22日

常言道，愈慳愈有錢，但原來，買細單位都可以係節儉嘅投資。

話說因股神之名，市場僅留意巴菲特點買股票，卻少有提及其買樓原則，近日剛好外國有文章例出股神巴菲特5個節儉習慣，其中一個，竟然就係「買細單位自住」，同埋「唔賣自住樓」……

根據報導，唔好以為股神有錢後生活大變，例如住大樓，養番狗，但原來，股神雖然有其他物業，但至今都係住緊一幢位於美國內布拉斯加州奧馬哈嘅獨立屋；該獨立屋只有6000尺，無大閘、亦無全天候監視保安，於1958年「上車」時，僅值31500美元（24.6萬港元），但今天市值至少70萬美元（546萬港元），股神依然唔肯賣，用來自住。

股神話，買樓應該買細屋，或者買一間適合自己生活嘅單位，然後用剩低嘅錢拎去投資，錢搵錢。
此外，股神認為，以下幾個習慣都可以慳錢：

1. 食平早餐
窮人幻想有一日可以食私房菜、食貴嘢，但原來，有錢人唔會咁諗；巴菲特坦言，平日最喜歡去老麥食早餐，又快又方便。佢老友Bill Gates都分析過股神呢個習慣，原來只係保持童年（貧窮）習慣就可以，6歲時愛吃的食物，長大後仍愛吃就很好，根本無必要增加消費。其實，精明嘅香港人都知有數得計，每日早餐（唔食20蚊）35蚊，意味每朝開支大增75%﹗個數絕對唔細。

2. 可負擔的興趣
「就算有裸女喺面前，我都只會睇橋牌。」巴菲特喜歡玩橋牌，似乎已經唔係新鮮事。有無諗過，就算幾窮，都玩得起一舖啤牌（唔係去中場賭廳），用一副20蚊嘅啤牌玩上幾十年，慳到嘅唔只係錢，而係慳到時間。

3. 不再豪請朋友食飯
唔知大家有無試過，請朋友食幾千蚊飯之後，個心隱隱作痛？換轉係巴菲特，會同你講唔好請，因為原來佢同Bill Gates嘅相處之道，都唔係靠飯局來維繫，而係靠平日發發短訊問候，間中開車去機場接下老友；朋友唔使成日要扮豪爽請客，有時候，whatsapp可以抵萬金﹗

4. 開同一架車
根據股神傳記話，股神通常會趁減價先買車，而且一開就好多年；大家都好明白，新車一落地就貶值，股神又點會大手筆「投資」？
只要不經常請朋友食飯、不玩奢侈品、不買大屋、不吃all-day breakfast ，你的財富，自然就會快速增長了。