红遍珠三角既龙江成记烧鸡，又有新搞作！古法柴火烤羊肶，人均40，饱肚、暖胃两不误。

成记烧鸡秋冬特意推出烤羊肶套餐，啖啖肉，食肉兽出发前记得清理胃容量了！！...

「

与清新更贴近

一个无污染公害的美食坊

」

成记烧鸡档环境简朴，有原始特色农家风情，用传统古法烹调方式制作特色风味美食，一如既往好评既烧鸡，鸡汁捞面等等。环境与出品非常符合，系呢度可以feel到别样的风情。

老板仲妥善利用地势环境，亲自种植无污染公害既绿色瓜果蔬菜，生菜、木瓜等等。

可爱小猪仔


饲养山羊


饲养生猛大鱼


自家种植绿色蔬菜


天然种植香甜木瓜

专注用农家种植既放心食材制作美味菜式，下面重点推介本次秋冬特色，建议先清理一下胃容量，再开启“食肉兽模式”。首选焖羊肉当然少不了！！无论出去食，或者自己系屋企焖，都非常受欢迎。但系最近非常火既烤全羊、烤羊肶又感受过未！？

烤羊肶  份量：4斤



铁锅甘大只羊肶，原只柴火烧制，色泽通红金黄。

火力控制得非常恰当，十分干身，撕开仲有汁，肉质嫩滑甘香，浓香孜然烤羊味，越食越滋味，呢个季节食烤羊肶真系够晒享受。

焖羊肉  份量：3斤



除咗特色烤羊肶之外，焖羊肉又点可以无！！足3斤净羊肉，份量认真巴闭，相信一家几口食呢个套餐都搞佢唔掂！



每日新鲜劏羊，新鲜制作，每次开锅前再加入浓香汤汁，可以保持羊肉爽口，更加唔会影响味道，避免浸耐而变咸。



秋冬天气干燥寒凉，食羊肉唔单只可以滋补养胃，更加可以增强体质，暖手暖脚，食过羊肉，好过着多两件衫，点解呢个季节羊肉受欢迎，就系因为佢够“补”、够“惹味”。

炒羊杂  份量：一份



特色炒羊杂，羊肚、羊肠、羊肝等等，全部一齐爆炒，风味十足；爽口弹牙既质感，浓香柔滑既酱汁挂系上面，入口更滋味。



仲有一种更加过瘾既食法，就系倒埋入锅，搭配羊肉一齐滚。两种味道相互搭配，焖羊肉更香浓，羊杂保持热辣辣，更好入口，唔影响质感。

砵仔羊血  份量：一份



砵仔羊血制作方法同鸡血一样，卖相已经足够古老传统，未食就深深感受到独特既农庄风味。



精致细腻既羊血晶莹通透，好似果冻一样甘震tun tun，入口爽滑爽滑，清甜爽口，一D都唔老，火候时间控制得想到好，技术相当之高。

无公害蔬菜  份量：一份



呢个菜就系成记自产自销既天然无公害生菜，无花无假，从菜地到厨房最后到餐桌，每个步骤都可以感受到“新鲜”，味道零舍清甜，好过自己买。

斋对焖羊肉情有独钟都无问题，成记特价羊肉焖好晒，都系38蚊一斤，自己出去买都要甘上下价钱，包焖包制作，你负责的就是吃！！性价比非常高！



成记烧鸡档有自己既鸡场，专门为大家食到新鲜靓鸡而设。只只生猛，呢D鸡系老板从开平运落黎，开平果场鸡，认真不一样，每只都控制系3斤重左右，肉质嫩滑，有鸡味。



一个个用水泥砌出来既烧鸡炉显得格外原始，就好似乞丐鸡做法一样，甘原始简单。用既都系实木，柴火高温烧制而成。



唯一既特点，就系手法令你意想不到，老细话系D鸡下面放上一个铜盘，接住D鸡油、鸡汁，可以防止水分流到柴火上面而生起黑烟，影响烧鸡既卖相，最重要系唔会产生致癌物质。



另外，呢度既烧鸡头向下，PP向上，原理系火力向上，目的就系让鸡受热更均匀，防止鸡头烧焦，更可以保留烧鸡入面既水分，唔会太干身，食起身更嫩滑、更加有鲜味。



经过20分钟左右既处理，一只新鲜活鸡，已经烧到香喷喷、金金黄，摆到你面前，由你主宰，煎皮拆骨。



老细教路，烧鸡一定要趁热食！！小编早就准备就绪，戴好手套坐定定系度等食！一撕开只鸡比，已经听到鸡皮爆开既撕裂声，未食就知道鸡皮烧到又薄又脆。



鸡皮，融入晒秘制调料，口感香脆惹味，好似食薯片甘，脆卜卜~皮肉分离，少肥膏，肉鲜嫩，食落仲有鸡汁爆出，嫩滑爽口，经过甘高温既烧烘之后，依然可以尝到新鲜鸡既鲜味，简直系烧鸡中既战斗机~~

原来烧鸡过程中所保留既鸡汁仲可以有甘既食法，将飞水面摆入去捞匀，嗦晒烧鸡既浓汁，就成一道鸡汁捞面，爽滑惹味，越食越开胃，而且一D都唔觉得肥腻，美味到不要不要的~

成记烧鸡档有烧鸡食，仲有特色豉油皇鸡肠，食烧鸡配鸡肠更配哦~~卖相吸引，有豆芽垫底，口感更爽！！



金黄色既豉油皇鸡肠，吸收浓汁，入口惹味爽脆，鲜味十足，搭配埋豆芽菜，爽上加爽~夏天开胃菜，食完烧鸡可以用来缓和一下口味，不错哟~

食烧鸡可以食埋鸡肠，仲有配埋鸡血，呢间烧鸡档系咪非常有特色呢！？山长水远都值得大家来试一下~老细已经贴心为大家切开一砖砖，方便又易食。口感嫩滑惹味，好似食果冻一样，震tuntun~

免费供应：清热凉茶

成记烧鸡早已为大家准备好凉茶，无限量供应~，食完烧鸡、烤羊都唔使担心上火！！免费凉茶任饮，甘特别既服务，系米好鬼死贴心呢！？



就连广州珠海既吃货都过黎寻味，身为顺德吃货，仲点可以错过！！门前大量停车空位，任意停放，可以慢慢享受啦~吃货们！！点击“阅读原文”导航到成记烧鸡

    关注 微文阅读推荐