如果话“犀飞利”系一只笔，你会唔会信？
我冇吹水，“犀飞利”真系一只笔嚟嘎！...
广州话一大特色就系生鬼嘅方言俗语，相信大家平时都经常用！但系，有一啲俗语从何而来，有乜典故？真系大把人唔知！
犀飞利——厉害、犀利的意思。
犀飞利我哋依家都经常可以听到，甚至我哋都经常会讲，但系“犀飞利”嘅出处，其实系一个钢笔嘅牌子。
世界三大名笔：
sheaffer(犀飞利)——美国lewis edson waterman(威迪文)——法国montblanc(万宝龙)——德国。
犀飞利创办于1913年。佢有几架势？
1945年联合国宪章最后定案，犀飞利为联合国指定签字笔，各国代表均以它签署，写下历史新篇章；
1951年美日和平条约于三藩市签订，随后日本还和另外48个国家签了相同和约，美国国务卿和日本首相，均以犀飞利笔签约。
多届美国总统把犀飞利当作专用笔。
.......
40年代，香港同广东地区，用得起“犀飞利”钢笔嘅人，绝对非富则贵。所以当时见到有人用呢种笔，都会赞叹“哇！犀飞利！”
久而久之，“犀飞利”都变成形容人“厉害、犀利”。
孤寒——形容人吝啬、小气、不大方。
“孤寒”嘅来源，要追溯到魏晋南北朝。当时士族系家族里面既有人做大官、又有人做经师嘅大家族。
而冇人做大官、经师嘅小家族则被称为“寒门”
。寒门势单力弱，一旦有事，就会孤独无助，自感“孤寒”。（图文无关）
所以，“孤寒”呢个词嘅原意，并唔系话人“小气”。
而系形容自己孤立无援、孤独无助嘅意思。
然而，远离权势中心嘅岭南地区，“孤寒”呢个词，慢慢就演变成——吝啬小气、一毛不拔嘅意思。
虽然“孤寒”系起源于南北朝时期，但系唔知从几时开始，讲汉语嘅人放弃咗“孤寒”呢个词，连《现代汉语词典》都查唔到“孤寒”，只存活喺粤语里面。
麻甩
——形容男性粗鲁且没有教养。
同“咸湿”、“符碌”一样，
“麻甩”
呢个词都系来自外语
。明清时期，好多嚟到中国歌传教士都系聚居广州，佢哋当众唔少都系来自法国、比利时呢啲讲
法语
嘅国家（著名嘅南怀仁就是比利时人）。
佢哋除咗传教，大部分传教士都识得医术，偶尔会帮当地人睇病。法语里面“有病”、“病人”就叫做malade
（音近似“麻甩”）。
随后就新造咗“麻甩”呢个词。
至于“麻甩”点样演变成一个贬义词，有两个说法。
（仅供参考）
说法一：西医诊疗嘅时候，同患者身体接触比较多。当时未接触过西医嘅广州人，就会觉得西方医术肮脏不堪。如果系女病人去睇病，就更加不堪入目。
说法二：当时会搵传教士睇病嘅人，基本上都系社会底层嘅贫苦老百姓，但系都有一啲唔贫穷，但贪小便宜嘅人，为咗去免费睇病，而当中男性居多。时间长咗，就用“麻甩”嚟形容呢种男人。
PS：本文仅供参考。
如发现本文出现错误，
或你有更独到嘅见解，
希望留言同我哋讲声。
更多粤语知识
广州话“够”字浅析
广州话“瘦”的俗语
三位粤语写诗大师
生旧叉烧好过生你
粤语正体古字浅析
广州话“瘦”的俗语
三位粤语写诗大师
生旧叉烧好过生你
粤语正体古字浅析
廣古封：派一封利是，講一個故事……
廣古封丁酉年全新設計，每盒包含六款，吉利廣東俚語設計，最啱派利是豪气爽手嘅老世！手機掃描背面二維碼，即刻挑戰【估畫粵語】，今年拜年同兄弟姐一齊鬥智啦！
零售價：￥48文/盒
點擊底部【閱讀原文】或掃描二維碼即可掃貨
淘寶購買搜索店鋪【羊記雜貨鋪】
團購或定制請聯繫：020-83195715-805
关注 羊城网
微信扫一扫关注公众号
