广州重现打车难打车贵，街坊受惠变受气！
冇车嚟、乱升价、拣客、拒载...依家出个门都艰难！...
网约车
1.打唔到车或者车太远
有网友反映，最近用打车软件根本打唔到车，就算打到，部车都喺几公里外，开过嚟起码都有十几二十分钟，浪费时间。
@建六六叔：用Uber根本打唔到车，连续打几次，啲车都系喺几公里之外！等得嚟都蚊瞓啦！
2.网约车加价严重，鬼过打的
由于滴滴之前出咗新规，高峰时期司机出车可以收取一定调度费，结果发现高峰时期嘅网约车车费，仲贵过叫的士！
@毛毛：有一次上班高峰期约车，一开始睇系1.4倍，犹豫咗下，再睇已经升到1.6倍，喺我震惊之际，直接冇埋车……
@H开心：平时十几蚊嘅车费，一到高峰时期，即刻升到三四十蚊，简直系抢钱！
PS：截止发稿之前，滴滴官方发表声明，在全国范围内阶段性取消出租车“建议调度费”功能。3.部分司机拒载拣客
由于调度费嘅规定，加上滴滴平台并唔系采用强制派单嘅模式，造就咗部分司机选择性拒载拣客，遇到唔想去嘅目的地，或者钱唔够干脆唔接单，有时候叫咗车等于冇叫！
@Chansing：而家嘅滴滴，如果唔加价，根本冇车肯嚟！
网上有唔少人发起对于网约车嘅声讨，用户最初使用网约车，都系贪佢够平够方便，一叫即到，依家嘅网约车几乎丧失晒佢所有嘅优点。
▲网友恶搞滴滴广告图
关于网约车从便民车变成扰民车嘅原因，网民众说纷纭，大概可以归纳为以下几方面：
1.网约车市场过于集中，平台垄断造成网约车市场一家独大，缺乏竞争者，平台监管冇以前咁落力，造成服务质量下滑。
3.节前出行高峰催化问题爆发，春节前市民出行需要增加，与之相反，大量网约车司机回乡，司机数量正下降，供需差值加大造成供不应求嘅局面。
与1月10日之前相比，网约车司机在线数量下降近25%，而订单需求却以30%幅度增长。
4.网约车新政出台之后，网约车及司机门槛升高，造成部分网约车司机对行业前景丧失信心，纷纷选择转行重新就业，所以即使系春节过后，网约车司机人数未见得会重新增加。
▲单从广州新政实行之后嚟睇，通过广州网约车考试嘅司机人数极少。
另一方面，传统的士嘅情况都唔好得去边，一样系打车难过上天。出租车
1.司机拣客拒载问题时有发生
广州有啲的士司机会问乘客去边，如果目的地唔顺路或者人多塞车，就会拒载，有网友表示，试过截五部的士，四部拒载。
@颗X烦：喺广州已经打唔到车 快车冇车 出租车都冇车仲要各种拒载 强行逼我去搭地铁
2.黑心司机随便加价甚至唔打表
搭的士嘅时候，有关软件显示只需要十几蚊，有的士司机狮子大开口，坐地起价到廿几三十蚊，仲要态度非常恶劣。
@我tf：今日喺路上见到有出租车司机同乘客议价，广州出租车几时开通一口价同拼车模式？
3.遇到问题都投诉无门
之前曾经有媒体记者报道过，有啲的士投诉热线形同虚设，冇人接听，有啲要打几次先有人接听。
“
的士司机并没有因为网约车的出现而提高素质，原来竞争激烈时没有，现在网约车大幅受限时也是这样。
因为部分的士司机可能出现了“破罐子破摔”的心态，议价拒载的现象反而更严重。有些司机甚至直接说：“大不了就不干了”
有行内司机老王接受采访时表示，出租车行业服务变差，因为受到网约车冲击，广州的士行业衰落。
曾经，广州的士好高利润，最多一个月赚万几蚊，自从网约车出现，广州的士行业慢慢步入寒冬，好多的士司机日日拉唔到客，赚唔到钱，慢慢离开的士行业。
而剩返嘅的士司机眼见客流减少，为咗增加利润，唯有拣客加价。而目前几间的士公司司机紧缺，为咗留住啲司机，就算收到相关投诉，都只眼开只眼闭。
而由于网约车叫车困难，好多乘客转返叫的士，有部分素质唔高嘅的士司机就开始吊高嚟卖，强行加价，最终受苦嘅依然系出行嘅乘客。
虽然，滴滴官方已经发表声明，在全国范围内阶段性取消出租车“建议调度费”功能。
滴滴网约车价格会有所降低，但系会降低几多？暂时仲系未知之数。打车难、等车慢又是否可以解决？唔好唔记得，困扰市民打车出行嘅唔净止价钱！
曾经的士、网约车都系
令市民受惠、方便出行嘅交通工具，
如今都变成令市民受气，
唔知各位自己友你哋又点睇？
素材出自新快报、金羊网、新浪微博等羊城网负责整理编辑
廣古封：派一封利是，講一個故事……
廣古封丁酉年全新設計，每盒包含六款，吉利廣東俚語設計，最啱派利是豪气爽手嘅老世！手機掃描背面二維碼，即刻挑戰【估畫粵語】，今年拜年同兄弟姐一齊鬥智啦！
零售價：￥48文/盒
點擊底部【閱讀原文】或掃描二維碼即可掃貨
淘寶購買搜索店鋪【羊記雜貨鋪】
團購或定制請聯繫：020-83195715-805
关注 羊城网
微信扫一扫关注公众号
