“妈子牌”必备良药:食返碗粥
朝朝一碗粥:艇仔粥、及第粥、明火白粥、咸猪骨粥、窝蛋牛肉粥、皮蛋瘦肉粥.........
广东人钟意食粥,认为食粥有益健康。所以都有朝朝一碗粥,饿死医生一屋嘅讲法。
细个嗰时,逢亲头晕身㷫、屙呕肚痛、胃口唔好,阿妈就会煲各种各样粥水。奇怪嘅系,食药未必会好,但系食啖粥,肯定会好得快啲!
明火白粥
讲起粥,比起其他食物,大部分广州人可能更加有感情,无论从一日之初、中午充能定系一日结尾,我哋都可以用简单嘅一碗粥嚟满足自己。今日同大家介绍下,广州最出名嘅两个粥!
讲到出名嘅粥,就不得不提
——爽滑、鲜甜、最刺激味蕾,当数艇仔粥
艇仔粥以新鲜河虾或鱼片作配料,仲有瘦肉、油条、花生、葱花、浮皮、海蜇、牛肉、鱿鱼、烧鹅等。
艇仔粥点嚟嘅?
讲古佬彭嘉志话你知:
(仅为其中一个流传的说法)
话说一日,一个老艄公喺珠江河上面救到一个轻声跳河嘅男子。
原来呢位男子系个“二世祖”,老窦留低一大笔身家,但系二世祖洗脚唔抹脚,将身家全部败晒,所以家道中落,绝望之下走去自杀。
艄公听完佢嘅遭遇,说服佢同自己一齐开粥店。艄公负责煲粥,二世祖食惯山珍海味,食不厌精,提出改良意见最适合不过。
佢哋用猪骨熬粥底,加入生鱼片、油炸鬼、炸花生、炸粉丝、烧鹅丝、鱿鱼丝、海蜇丝、炒蛋丝。呢种粥既有猪骨嘅香味,又有海鲜嘅鲜甜,仲有烧鹅、花生嘅香脆,结果大受欢迎!
而呢种粥,就系艇仔粥。(船上煲粥,船上卖)
推荐:鸡记艇仔粥
海珠区琶洲街新港东路石基村黄埔古港后巷
同艇仔粥齐名嘅,当然系海珠区琶洲街新港东路石基村黄埔古港后巷
——全称“状元及第粥”,相传同一个状元林召棠有关当年高考,两日都去食及第粥!
然后就...#¥%&*
讲古佬彭嘉志话你知:
(仅为其中一个流传的说法)
清朝道光年间,有一个书生叫林召棠,每日都会去老乡林老昌嘅档口食粥,久而久之,两人都非常熟落。
后来林召棠上京赴考,高中状元。
回乡后,都不忘去林老昌嘅粥档食一碗粥,感慨万分:“难怪我会高中状元,昌叔,你呢碗粥,肉丸即系状元、牛膀(现改用猪肝)即系榜眼、粉肠即系探花,呢碗系状元及第粥啊!”
林召棠仲为林老昌题字写一块牌匾“昌记‘弓弓’店”。有人笑林召棠,贵为状元都写错字,“粥”字点可以冇“米”呢?
林召棠笑住同林老昌讲:“我点会写错字啊,我特登唔写中间个米字,咁啲米去咗边?咪去咗你嘅米缸度咯!”
推荐:伍湛记
荔湾区龙津东路871号(近龙津商贸大厦)
食粥,适合配搭油器或者炒粉面。荔湾区龙津东路871号(近龙津商贸大厦)
早排喺“干炒牛河”里面都提过,本人曾经用一个星期喺屋企附近嘅大排档观察“宵夜最多人点嘅菜式”,牛河同粥叮当马头!单一碗粥,可能唔够饱,加多碟干炒牛河,绝配!
顺便都发一发福利!
由【为食自己友】各路食神热心推介,精选出五间“我最喜爱干炒牛河”最佳餐厅!(排名不分先后)
大哥餐厅
番禺区西丽南路90号(近西丽南路站)
云香大排档
越秀区大新路385号
向群饭店
荔湾区龙津东路853-857号
美而廉茶餐厅
越秀区建设六马路33号宜安广场B1楼
国强饮食店
荔湾区逢源路63号
大哥餐厅
番禺区西丽南路90号(近西丽南路站)
云香大排档
越秀区大新路385号
向群饭店
荔湾区龙津东路853-857号
美而廉茶餐厅
越秀区建设六马路33号宜安广场B1楼
国强饮食店
荔湾区逢源路63号
过年餐餐都九大簋,但系虽然美味,但系大家都要注意身体,唔好暴饮暴食。等闲就食碗粥,清清肠胃!
如果
你知道边度有好嘢食
你想知道去边度搵食
快啲加入【为食自己友】
加羊城网阿咩微信:gznffans,备注【搵食】
等阿咩拉你入群,大把搵食咨询等紧你!
参考书籍:《岭南词典》——周伟励
《童说岭南-广饮广食》——彭嘉志
《广州方言民俗图典》——杨逸等
图片素材来源于网络
廣古封:派一封利是,講一個故事……
廣古封丁酉年全新設計,每盒包含六款,吉利廣東俚語設計,最啱派利是豪气爽手嘅老世!手機掃描背面二維碼,即刻挑戰【估畫粵語】,今年拜年同兄弟姐一齊鬥智啦!
零售價:¥48文/盒
點擊底部【閱讀原文】或掃描二維碼即可掃貨
淘寶購買搜索店鋪【羊記雜貨鋪】
團購或定制請聯繫:020-83195715-805
关注 羊城网
微信扫一扫关注公众号