郑嘉颖食饱就走唔理女友陈凯琳 吴若希同富商亲昵照流出

本期关键词：郑嘉颖 陈奕迅 吴若希 邓紫棋 周柏豪...

胀爆郑嘉颖食饱就走　唔理女友陈凯琳艺人郑嘉颖与女友陈凯琳（Grace）拍拖以来甜蜜蜜，昨晚上约九时，两人更相约Grace的数名老友陈嘉宝、陈滢及赖慰玲，于大坑晚膳提早食团年饭，顺道来一个剧集《殭》的聚会！席上郑嘉颖与Grace虽然不是并排而座，但见他对女友仍是服侍周到，体贴的他不时为Grace递上食物及饮品，难怪女友频频甜甜笑，期间Grace见记者在场，亦大方挥手打招呼，众女于席上更不时玩自拍。而识做的嘉颖医肚后，于十时多先行往埋单离开，好让女友可以同几位好姊妹GIRLS TALK。当他步出门口时，见他发福不少。问到为何先行走人？他笑笑口说：「食饱咪走啰。」而Grace等人其后约十一时便拉队离开。

陈奕迅薛凯琪网上呼吁　助白血病病人歌手陈奕迅（Eason）、薛凯琪（Fiona）、乐队Mr成员Dash、梁汉文和导演谷德昭等，分别在社交网转载一个post，向现居加拿大温哥华的朋友作出呼吁，指一名46岁的侯欣欣，不幸患上慢性淋巴细胞白血病，急需移植干细胞，希望大家能够帮助别人是自己最大的福气，只需捐血便可救助生命，多谢大家帮忙。



Eason透过经理人甘菁菁回复：「Eason系帮朋友嘅朋友，佢觉得帮到人都想帮，因为网络世界多啲人睇到、能够接触到，咁搵到啱嘅机会率都大啲。」而Fiona接受访问谓：「我系帮朋友嘅朋友呼吁㗎，我本身都唔识呢个人，谂住新年尽量可以帮到人，畀啲希望大家。」

同富商亲昵照流出！吴若希斥事实被扭曲歌手吴若希（Jinny）为澳门阔少男友何兆鸿（Alex）未婚佗B女，两人打算待BB出世后先至结婚，大肚前绯闻多多的Jinny无奈被人翻旧帐，有传Jinny曾跟陈淑兰旧爱、有股坛狙击手之称的王弼燮传绯闻，更流出两人头贴头的庆祝生日相。有传这张亲昵相是摄于两年前，当时在王弼燮的豪宅中，Jinny和寿星公齐捧住生日蛋糕合影。曾经讲过跟王弼燮「唔太熟」的Jinny，昨日接受访问时表现无奈，指当天只是一班朋友聚会，又说：「简单生日庆祝活动都扭曲成咁，希望新一年少啲不实报道。」相信Alex一定投相信票，大肚嘅Jinny千祈唔好动气，记得要好好安胎呀！

面对负面抨击　G.E.M.自言易喊歌手G.E.M.（邓紫棋）面对过去种种负面抨击，她自问在情绪管理方面都算OK，她说：「因为我有信仰，有时我唔知点做，我就有呢个指标。」外表看似坚强的G.E.M.自爆其实很爱哭，她说：「我易喊架，成日打电话同我啲朋友诉苦。」其实G.E.M.的音乐作品中，纪录了很多她不开心的时候，她说：「我都好几坦言，所以我啲歌迷都知我经历咗唔同嘅开心、唔开心，佢哋几了解我，我觉得冇咩需要隐藏，我觉得呢个系需要勇气嘅表现，有一段时间好惊喺人前表露自己嘅脆弱，但喺咁多年以嚟，慢慢去成长，跟歌迷建立咗一个关系，依家我反而觉得唔开心都好正常，就算唔开心我都唔会特别去掩饰。」

瞒公司去打篮球　周柏豪抢波撞瘀手歌手周柏豪出名系篮球迷，入行后热爱篮球嘅程度不减，仲自组篮球队打出名堂，真系好热血！不过，柏豪昨日突然喺社交网自爆打波时受伤：「今天比赛途中又受伤了，我猜我要停止打篮球，直至演唱会。」

其后柏豪再Po相展示伤势，见佢右手「鸡髀位」瘀了一大挞，睇嚟伤势唔轻喎！虽然柏豪仲识得苦中作乐，留言：「如果你肚饿，可以让你咬一口！」但一班粉丝睇到好心痛，仲纷纷留言慰问，希望柏豪早日康复啦！



柏豪说：「系寻日打篮球时受伤，同对方争波时反方向扭伤，运动受伤系少不免，投入就会忘形，不过系小事，已经睇咗骨科医生，冇骨折，拉伤咗韧带，简单处理就得，例如冰敷就好㗎喇！」问4月开骚，公司可有禁止他再打波免受伤？他说：「系呀，为咗4月个演唱会，剧烈运动真系要避免，好似篮球、赛车等，都要避免。」柏豪仲讲笑：「医生话最好放假，多去旅行，仲要加入工，出双粮，咁我会快啲康复，哈哈。」

    关注 HKChannel