突发！张敬轩传被《歌手》抽走冇得唱 陈展鹏40岁想突破开个唱完成梦想

本期关键词：陈展鹏 卫诗雅 邓紫棋 刘青云 张敬轩...

40岁想突破！陈展鹏开个唱完成梦想

正日生日的陈展鹏在尖沙咀大搞生日会，庆祝正式踏入40岁。他与逾400名粉丝齐齐切视帝奖座生日蛋糕之余，更与他们影大合照，场面非常墟冚。席间，展鹏在台上就指自己今年想搞Mini Concert，更笑谓：「今年拎咗好多奖，但最唔应该拎嘅音乐奖都拎咗！」非常风趣。

访问时，问到其生日愿望时，他即谓：「年年都系世界和平㗎喇！（咁行？）同埋身体健康，因为上年都好辛苦同吃力，之前应承咗Fans Club一齐做运动、做慈善工作都因为做嘢而放咗飞机。（愿望唔系搵个女朋友？）唔系话搵就搵到嘅！（40岁喇喎！）依家事业先系开始，上年至有啲眉目，做多啲嘢先！」提到他指今年打算开Mini Concert，他指自己讲咗好多年，但未有时间练唱歌、练跳舞，希望可以完成这个梦想。记者指他可以酌量减产，他就指交由公司安排：「但都系时候要停停，观众睇得多我都会厌，有须、冇须、有头发、光头、有眼镜、冇眼镜都试过昨晒！今年都想有啲突破，想试下做主持工作。」提到他的生日会愈搞愈大，问下次会否在会展搞？他即谓：「喺会展搞就系搞Mini Concert㗎喇。（定系红馆，坐20000人！）我系演员咋喎！（你系视帝喎！）我演艺方面咋，又唔系歌手！（粉丝等你出碟？）咁要睇公司安排喇！」

冧爆！卫诗雅同陈家乐「结婚」

英皇艺人卫诗雅与同公司的陈家乐及麦子乐等，一同为婚展担任嘉宾，其中卫诗雅与家乐扮演情侣，更即场做结婚仪式，交换戒指及作状咀嘴。卫诗雅表示做结婚的工作其实是好事，她说：「算命仙话我结两次婚之后先系真，咁我做嘢真系结果两次婚，原来做嘢都计埋！（咁你下一个咪系真啰？）我成日觉得我只系一个，就系结婚嗰个，但我惊咁讲会吓亲下一个，觉得我咁认真，所以都系随缘！（有冇追求者？）有同人约会，其实我觉得喺呢行拍拖都有好处，因为隔篱嗰个唔会乱嚟，好多人睇住你，会冇咁容易散，所以我拍拖一定会攞佢张相畀记者认住，哈哈！」至于家乐就谓首次演「新郎」，将第一次奉献了给卫诗雅，获对方表示封利是给他，他说：「希望做呢啲工作真系可以连唔好嘅都使咗佢。（你女友会唔会杀咗你？）唔会，佢仲开心，系搵钱机会。」他又笑言读誓词时很感动，但看到对象是卫诗雅就忍不住笑呢！

否认与忆莲不和　G.E.M.不再参加《歌手》

歌手邓紫棋（G.E.M.）于2013年尾因参加《歌手》(前名《我是歌手》第二季)而在内地爆红，有名有利，更被冠以「宇宙天后」之称，有传G.E.M.为报主办单位当年的知遇之恩，将再战《歌手》舞台更有机单挑天后林忆莲。另外，又有内地网消息传出林忆莲不满G.E.M.批评前辈歌手，觉得这位后辈不懂尊重长辈。G.E.M.经理人公司蜂鸟在微博撰文宣布G.E.M.不会再参加《歌手》：「邓紫棋将于2017年3月底开展新一轮全球巡演，目前已全面开始筹备，故不能参加《歌手》录制。」又澄清有个别网站所传的「邓紫棋因与某位歌手不合而缺席」属炒作新闻。

冒喉咙受伤风险　刘青云声演蝙蝠侠

艺人刘青云为蝙蝠侠做主角的电影配音，青云坦言相当荣幸，更因Batman既有型又富有，他表示虽然今次只是声演，但总算能体验一下这位迷倒一众男士的超级英雄的生活，相当开心，宣传短片中，声演蝙蝠侠的刘青云更戏谑自己，高呼刘青云相比LEGO蝙蝠侠之下只属「麻麻哋」，青云表示：「我当然没有如Batman般有型，他又打得又睇得，是所有男士都会憧憬的偶像，相比之下我当然是『麻麻哋』。」熟悉蝙蝠侠角色的都知道蝙蝠侠声音比较低沉，对此青云表示：「这是为《LEGO®蝙蝠侠英雄传》配音最具挑战的地方，尤其是每当句子比较长的时候，要长期保持低音发声会有一定的难度，而且会很容易令喉咙受伤。所以每一次到录音室时，同事都会准备润喉饮品给我，可以令我保持低音状态。」突发！张敬轩传被《歌手》抽走冇得唱

歌手张敬轩（轩仔）早几日宣布会加入内地歌唱节目《我是歌手》第5季（《歌手》），大胆挑机乐坛天后林忆莲、杜莉萨、萧敬腾领衔嘅狮子乐团等，位位都系唱得之人，搞到未播出街就已经令中港台网友引颈以待，等下周正式播出！



第一集嘅节目录像轩仔都有份参与，仲有指佢现场效果唔错㖭。不过，昨日有大陆媒体爆料，指轩仔忽然被节目抽走，《歌手》节目组官方微博、发放嘅官方物料中，删走晒有关轩仔嘅所有讯息，仲话有知情人报料，指轩仔已从《歌手》中去掉，无法参与今季节目，不过原因不详……内地媒体更指，碍于轩仔已经参与第一集嘅录像，播出街嘅版本会Cut走晒所有轩仔嘅镜头，Cut唔到就会打格仔遮样，而《歌手》节目组又下旨，叫其他歌手当冇事发生，仲可能因为少咗个参赛歌手而改赛制，或者搵替补歌手㖭。

    关注 HKChannel