本期关键词：陈凯琳 许廷铿 蔡少芬 方力申 谢霆锋 杨怡...

【系真唔系？】陈凯琳未摸过郑嘉颖腹肌

艺人陈凯琳（Grace）及萧正楠（Edwin）于宝琳出席新年活动。问到新年安排，Edwin表示年初一已到女友黄翠如家拜年，又笑言心思思于今年结婚：「上去食糕玩狗。（被人催婚？）冇喎！（你之前话想2017年结婚？）我想之嘛， 2017一定得！不过开《深宫计》都要开半年。（开完工结婚刚刚好？）都要筹备嘛。」问到Edwin会否考虑情人节求婚？他称可以考虑：「好提议！试吓谂吓！（你好浪漫？）问翠如，我觉得自己好浪漫。（准备礼物未？）梗系有，重要日子，想死咩？大家夹时间，一餐饭都撞到嘅！」至于Grace就言因男友郑嘉颖新年不在港，故双方家人早于年三十晚就食饭过节，其后她亦会再拜访嘉颖母亲及拜年。谈到嘉颖日前表示要为舞台剧操肌，Grace笑言唔敢整甜品引诱男友：「佢冇预我一齐操肌，我唔整甜品引诱佢。（准备情人节礼物？）亲自下厨煮中餐，之前整过煎酿三宝，但睇嚟要索晒油先畀佢食。」身旁Edwin就指嘉颖本身已经好大只：「佢本身都六旧腹肌，今次想增大肌肉，想好似鬼佬咁大只。」问到Grace会否钟情爆肌男？她笑言未摸过男友的腹肌：「佢今次系角色需要，但我冇摸过呀，等佢操晒先慢慢摸！」

许廷铿传离巢开公司　郑俊弘誓圆红馆梦

凭无线歌唱节目《超级巨声》出身获力捧的星梦一哥许廷铿（Alfred），近年屡传约满后离巢，去年底更传他过档华纳，不过Alfred例牌否认。据知，Alfred与无线经理人约及星梦唱片约，均于本年中同时届满，他决定另起炉灶，孖好友郑欣宜自组公司捧自己。

身为星梦CEO的何哲图（Herman）早已「闻到味」，去年中已开出红馆骚为条件利诱Alfred续约，可惜未能挽留对方离巢之心。据知，Herman现时相当头痛，并做定两手准备，如Alfred坚决离开，会将档期留给郑俊弘圆梦开处男红馆骚，但都要视乎其歌曲受欢迎程度，如未能达标，则将改开「星梦群星骚」。



记者致电Alfred求证，身在外地旅游的Alfred受访说：「都回应过好多次喇，多谢大家关心我嘅去向，总之我呢刻仲同星梦履行合约中，我只系知公司一路都倾紧想帮我开骚，详情仲倾紧。（已申请到7月红馆档期？）真系唔知。」问到是否与欣宜开公司？抵死的他避谈兼为对方的曲奇饼店宣传说：「讲紧曲奇饼？我净系知道女神曲奇饼好赚钱咋。」而Herman被问到Alfred传离巢，他说：「呢啲唔讲住，等佢返嚟倾演出细节。（倾红馆骚？）日期、时间同地点未定。」

《老表3》就煞科！蔡少芬忙到狂生痱滋

艺人蔡少芬（Ada）早排一直忙于拍摄无线新剧《老表，毕业喇！》，不过套剧话咁快就煞科喇，呢日Ada喺社交网站上载了与同剧演员吃饭盒的合照，虽然照片中唔见拍档郭晋安（安仔），不过就见到有林欣彤、刘江、黄建东等人，大家仲笑得好开心，Ada话：「好有意思的一餐，最后一天的 #老表3# 电视剧！我要好好享受！感恩和大家的合作！ 」似乎Ada都拍得好开心，仲话好期待再同佢哋合作，唔少网友都留言话好期待呢个剧，好想快啲睇到佢同安仔嘅作品呀！

虽然忙完拍剧，不过Ada都仲未有得休息，已经要飞去外地录节目，唔知系咪休息唔够，佢就生咗痱滋，仲甫咗揿住个嘴嘅相，就话：「咀（嘴）里（里）三粒飞（痱）滋，痛！我没有所谓，可明天还要录节目啊！」网民都留言叫佢要抽时间休息，唔好咁搏先至会快啲好，听唔听到呀，Ada？

甩拖两人组！方力申袁伟豪苦过Dee Dee

艺人袁伟豪及方力申去年双双甩拖，日前他们应邀与谢天华及黄长兴等友人出席生日饭局，席上更有不少圈外朋友双双对对现身，难怪两男触景伤情，离开时全程苦口苦面毫无笑容。



当晚大约九时许，袁伟豪及方力申等人陆续到达尖沙咀的食肆叹越南菜晚膳，一行人逗留至晚上十一时许才离开，先行步出的谢天华见记者在场，即笑笑口打招呼。及后与邓丽欣分手接近一年，感情仍未有着落的方力申亦步出，见他无里心机兼木无表情，甫见记者拍照他只淡然说：「同朋友食生日饭啫。」至于随后步出的袁伟豪亦不惶多让，自与前港姐岑杏贤甩拖后似乎情伤未愈，见他毫无笑容，苦瓜干上身的他直至男友人抱着BB向他道别时才稍露笑容。

《锋味》不再？！霆锋晒伤手被禁入厨房

歌手谢霆锋锺意煮嘢食就系人都知，佢仲主持美食真人骚嘅《12道锋味》已经去到第三季，之前仲喺北京设立锋味餐厅亲自下厨招待食客，真系好劲呀！

不过佢昨日竟然系社文网站自爆，医生话佢唔可以再长期留喺厨房！佢仲上载张赤裸上身嘅相，见佢刮完沙，成只手都系血痕！佢留言：「医生说不能再长期在厨房了，但是如果要在短时间内学会煮好任何东西，可能这就是代价了？！」但霆锋话要追求梦想，永不放弃添！

短短两个钟，已经有成千几个网友关注兼纷纷留言，问霆锋究竟发生咩事？仲问佢系咪个膊头唔舒服，叫佢小心身体之余，仲话刮完沙唔好吹风，但亦有网友乘机叫佢开演唱会：「这证明了你双手的确是用来揸咪，不是镬，还是乖乖去唱歌开演唱会吧！！」

抱抱雷冬至！杨怡向陈敏之取经生男丁

与陈敏之情同姊妹嘅杨怡，喺敏之佗B之时，杨怡就讲过有机会就会向佢取经，唔使刻意，依家雷冬至出咗世喇，呢个取经之旅正式启动！



杨怡喺社交网甫咗佢抱实雷冬至、敏之又抱住佢嘅合照，见佢两个大人笑容一致，抱住小Baby嘅杨怡脸上仲多咗一份柔情，成个妈妈样出晒嚟，唔怪得之佢自己都话心都融化了，而敏之都笑佢一脸慈母样：「看着妳抱着冬至一副慈母的样子，我的心也融化了！

系囉，大家都等紧见吓小羊咩嘅出现，杨怡同老公谦谦罗仲谦要加快进度造人喇～～～

    关注 HKChannel