廣潮文 “亲戚“还不如朋友
以前D人一路都有咁噶说法“远亲不如近邻”意思则系远方嘅亲戚不如就近嘅邻居但系呢句话放翻喺今时今日可能会变成亲戚，不如朋友！...
本期节目
▼
以前D人一路都有咁噶说法
“远亲不如近邻”
意思则系远方嘅亲戚不如就近嘅邻居
但系呢句话放翻喺今时今日
可能会变成
▼
朋
友我哋可以拣
志趣相投倾得埋嘅我哋咪朋友咯
但系亲戚我哋无得拣
从你出世果刻就同佢唔多唔少有D拉楞
无论佢係好人、坏人、富人、穷人
佢都系你拜山一定会见到嘅亲戚
我哋好简单咁举几个例子
▼
朋友之间你地可以无所不谈
上至合作倾生意
下至吹水唔抹嘴
男嘅倾下打机攻略沟女心得
女嘅讲下娱乐八卦美妆秘笈
起码都志趣相投啱口型啊
但系对住D亲戚
细细个就问你读书叻唔叻
大个D就问你几时毕业
毕业就问你揾到嘢做未
搵到嘢做又问你一个月有几钱
有钱D又会问你有男／女朋友未
揾到男／女朋友就问你几时结婚
结咗婚就问你点解仲未有BB！！
总之就係好关（Q）心（无）你（聊）
同朋友嘅聚会方式有好多种
唱k 踢波 蒲吧 食饭 打雀
各种丰富节目
总有一种适合你
点都唔会令你觉得闷
亲戚聚会
最多咪拜山果阵囖
所以以前D人讲得真係好啱噶
有咩留翻拜山先讲
因为拜山真係够晒齐人啊嘛
其次就係三叔個孙满月啊
二表姐终于嫁得出啊
大姨妈六十大寿啊
呢D次次都係嗰几个亲戚聚埋一齐
係咁咦倾下D无聊嘢
然后就各奔东西
朋友又叫“月月友”
佢哋问你借钱
借完你可以肆无忌惮咁叫佢还
因为欠债还钱天经地义
唔还可以割袍断义
继续催到佢还
最多咪老死不相往来“富在深山有远亲，穷在闹市无人问”
总之好景嘅时候D亲戚就特别多
如果碰到亲戚上头问你借钱
好容易一借无回头
你催佢还又话一场亲戚
咁你都要同我计？！
最后搞到大家面阻阻
过年过节清明重阳
见到面都会好尴尬
“一代姑,二代表,三代嘴藐藐”
▼
哩個法则普遍适用于现时嘅亲戚关系
特别宜家80后、90后嘅一辈
多数都係独生子女
自然D亲生大佬细妹少咗好多
个个都更加自我为中心
面对亲戚关系
真係除咗有事相求
如果唔係都唔会搵你
“亲疏远近，借钱免问”
▼
当然亲戚都有分D关系好D嘅亲戚
哩D亲戚都比较亲啦
或者同你比较有共同话题
而有D关系比较疏嘅亲戚
一年见得一次
平时嘢都唔多讲一句
边会同你熟络啊
没有灵魂的饭局
▼
所以亲戚聚会有时你只係碍于家庭形象
扮晒好耐无见咁去寒暄几句
答下佢哋D无聊问题
食餐饭拍拍箩柚走人
係一场无灵魂嘅应酬饭局
所以有时我哋真係不得不感叹
今日话题：
“亲戚不如朋友”
你点睇？？
欢迎各位喺评论度
留低你哋嘅精彩故事
♛本期粉丝福利♚
Hello Kitty 杯
想要礼物吗？
可以加Carson微信
☟
gzok38
他将会跟大家玩游戏
送礼物哦~
Weibo | @梁卡神 @吴观辰
Wechat | Carson：GZJune6 观辰：gcgcfm
关注 广呢D
微信扫一扫关注公众号
