门票订购请加微信号：gainianjie订票电话：15622516449...

「一个人冇梦想同条咸鱼有咩分别?」呢句说话鼓励人要有梦想,但就忽略咗当一个有梦想嘅人喺未成功之前,往往被旁人认定为冇用嘅「咸鱼」。而呢种「咸 鱼」,现世代可能会称之为「废青」,表面上系指颓废、不务正业、一事无成嘅青年人,带着贬义意思,但实际上,可能系指一班敢于追梦、不顾「钱」途嘅青年人。

被嘲正宗「死废青」 最近有网民开Post,「嘲笑」即将举行舞台剧嘅男神黄子华,其实昔日都系一名「废青」!网民仲话佢:「死废青学人追梦!」,不过「废青」总有出头天,最后子华凭个人才华,终于成为依家嘅「栋笃笑始祖」兼人人力捧嘅男神!  昔日「废青」生活被起底 网民仲一一分析子华昔日嘅经历,证明佢当时真系一个名副其实嘅「废青」!例如子华曾喺节目《志云饭局》中讲过,细细个因为贪玩,同几个同学仔偷咗人哋只舢舨出海,因而留有案底。大个咗之后,有性格嘅子华拣咗科哲学嚟读,但旁人就觉得哲学系「搵唔到钱」、「冇前途」,笑佢拣呢科读。结果子华24岁先至大学毕业,点知后来每份工都做唔长,包括代课老师、物流经理、DJ、数据搜集员、临时演员、电视台PA...... 仲唔系「废青」?网民仲踩多脚耻笑话:「原来佢真系正 宗嘅死废青!」

成功在于有内涵

不过,最后子华都荣升为男神,并唔系因为佢靓仔,而系凭住佢一份出众嘅内涵!网民话:「一个人未成功之前都系废青!」然后举出例子,包括曾坐过监、饰演《Iron Man》嘅荷里活巨星罗拔唐尼(Robert Downey Jr.) 等等,每人背后都有个奋斗成名嘅励志故事!所以话「莫欺少年穷」,只要有坚守信念,「废青」都可以有出头天!

    关注 演唱会资讯