「潘達教你修東西」之 修鋼琴
如何正確打開鋼琴。...
大概係十年前,我開始接觸鋼琴,聽落系米好犀利呢?系啊,如果當初肯堅持落黎,到今時今日應該都有翻咁上下料到啦,可惜...
無錯,歲月無聲流水無情,距就感樣沈默左十年。作為一樣樂器,仲要係樂器之王,我諗距一定好難過,距甚至可能會怪自己,點解身世感顯赫,點解咁貴族血統難以掌握,令到年少無知既我未曾開始,就放棄左距。
曾經有一台好新正既鋼琴擺我面前我無珍惜直到多年以後我想重拾果份激情既時候距變成左感。
無錯,彈到落去,但唔識彈翻起。(已經拆開曬先發現唔記得影相,並唔係話我部鋼琴係隱形面板限量版。)
當時我停頓左0.1秒,即刻開始計算如果我穩調音師上黎搞,貴不但止分分鐘仲會比人鄙視我虐待鋼琴,容乜易就傳鬼左出去,唱通街噶,到時邊個仲夠膽嫁女比我.........簡直「細思恐極」。
於是乎我努力回憶左關於鋼琴既所有冷知識,終於搵到一條適合既——「後生仔無乜事唔好自己拆開部鋼琴。」...0.0well...其實我係想講關於「擊絃機」既一幅原理圖,大概就係講,鋼琴入邊敲擊琴弦發聲既機關同琴鍵之間既聯動關係,有一點好有用——回彈係靠琴鍵自身重量而無係任何彈力系統。所以,今日我地講既第一條維修tips就係——
潘達寶典:加一滴機油,跟新的一樣~
----------------------------------
以下內容被列為家長指引類別,手殘者不聽勸告擅自模仿導致不能復原,唔關我事。
本教程不適合三角琴。
本教程鋼琴為 韓國產Samick(三益)
不知到星海珠江雅馬哈雅馬嘻雅馬呵雅馬嘿等是不是也是一樣總之diy有風險,模仿須謹慎!
----------------------------------
#1
首先,拆面板
打開天靈蓋,兩邊就可以搵到啦,按落去或者撥,總之摞到落黎就係啦。小心感將面板放去安全而隱蔽既地方...鍵盤蓋係靠面板砸著既,順勢抽起,擺埋一二邊就得啦。
#2
拆鍵盤壓板
左右各一木牙螺絲,第一次比較緊,要大力少少,用陰勁,慢慢轉,唔係滑牙就喊都無眼淚。
提起,放好。
#3
起健。
一個字,膽大心細。
先前講過,入邊係無任何彈簧系統幫助回彈既,都係靠自身重量完成,所以,琴鍵可以理解為一條槓桿。所以我地只需要...
就係咁簡單啦~
每個琴鍵都有數字編號,所以放心大膽拆唔使擔心擺唔翻去~中央c有粒螺絲,可能會難少少,但係一樣可以拆,唔使理會果粒螺絲。
(請忽略人物)
#4
潤滑
仔細感將每一條金屬棒依次清理,上油。我用既係原廠配既鋼琴蠟做潤滑。用蠟油既好處係如果用機油會周圍滲而且好唔優雅...
清理完一組就裝翻一隻健,彈兩彈試下手感,唔得就拆出黎繼續清理。
#5
琴鍵安裝方法:
一隻手提起擊槌槓桿,另一隻手將對應既按鍵插入,紅色洞口對準紅色金屬條
按落去。
熟手既話一隻手就可以完成。一挑一橇一插一按,next.
所有琴鍵正確安裝無誤之後,裝翻壓版,上緊螺絲,跟著去隱蔽既地方摞翻塊鍵盤蓋同埋面板,還原。
恭喜你,鋼琴拆解復原第一階 get☑️
---------------------------------
其實如果唔係好似我感十幾年唔彈,同埋係地處廣州咁潮濕既城市。基本上係無人需要用到依個教程既.......
且行且珍惜,無論學乜野,既然決定左學,就唔好辜負距。
关注 喵爱吃的潘达酱
微信扫一扫关注公众号