蒲咗20年，我终于叫到哩只鸡！试过之后连老婆都唔理！

 

最近天气回暖，最适合出去踏春游玩啦。

去黄埔古港晒下太阳，

食碗姜撞奶同艇仔粥，

係慢节奏生活中感受春日气息。

吃货最关心嘅肯定係有咩食，

今次地胆带路话要去间老牌明星农家菜，

连电视台都采访过，

係咪真係咁劲先？！

黄埔古港农家菜都好多间，

但大多数都係新开，专做游客生意。

嚟间 正记园林美食 虽然开係古港较深嘅位置，

好多人专门揸车几个钟嚟食！

一睇就係有翻咁上下历史嘅古港老字号。

正记专注天然农家菜，环境非常接地气，

临近鱼塘，农家园林feel好浓烈！

周围都係绿油油香蕉树，望落只眼都舒服啲。

装修简单朴素，但依然旺场，

连本地人都成日当饭堂咁食，

皆因食材都好重本！

好似招牌炭烧鸡，

就一定要用养足日子嘅走地鸡，

“未养够时间肉质散噶，同埋冇鸡味咯。”

鸡提前用沙姜、洋葱、五香粉等腌过夜，

客人落单再新鲜滚热辣出炉，连骨都有味。

卖相靓到全台人争住影！手机食先！

“喂，靓女，唔好挂住影相，趁热食啦！” 

即刻撕只鸡腿嚟试下，体验手撕鸡嘅快感～

哇，鸡皮薄到透光！脆到撕开有声！

肉汁即刻汹涌到 biu 埋出嚟！

点埋啲秘制烧鸡汁一起食，

销魂到不得了，

难怪一日可以卖过百只啦！

正记嘅 烧排骨 都好正！

选用肥瘦均匀嘅排骨，

烧出嚟嘅色泽均匀，肉质松软到不得了，

仲保留埋浓浓炭火香，

再加埋啲酱汁，真喺无法拒绝嘅诱惑！

用六七斤重嘅鹅，加埋香芋一齐蒸，

鹅肉同香芋嘅香味融为一体，

啖啖都咁香口！

 田螺鸡煲

放养嘅走地鸡同田螺、甜笋等食材一齐焗熟。

田螺肉爽口又弹牙，走地鸡又鲜又嫩滑，

正记秘制，其他地方食唔到！

每日坚持新鲜手刮100%纯鲮鱼肉做鱼丸，

“卖唔晒就倒噶啦。”老板好任性～

睇卖相已经好有食欲，

外面炸到金黄色卜卜脆，鱼丸弹牙紧实，

再配埋酸甜酱一起食，

一粒一粒完全停唔到口。

 酥炸虾丸

虾丸喺每日新鲜手打，粒粒纯虾肉，

虾味先咁足，食落爽口弹牙，回味无穷！

掀开大砂煲，一股浓浓的酒香袭来，

闻到香味已经忍唔到。

成条2斤几重嘅鲤鱼，加埋腐竹一起焖，

鱼汁浓郁，满满一煲好足料。

夹一箸鱼肉入口，

只有两个字：鲜！甜！

腐竹吸收晒鱼肉精华，好香滑。

做黄埔蛋最紧要够滑，7-8成熟就最好，

讲起简单，其实好考验手势同火候，

多一秒就老，少一秒又未凝固到。

嚟碟黄埔蛋堪称完美。

一睇啲色水就知係新鲜农家土鸡蛋，

够金黄，蛋香味浓郁又冇腥味，

食落直接滑入喉咙，滑过少女肌！

食材够新鲜够靓，
不需要过多调味同复杂烹饪，

简单清蒸已经可以带出鲜味。

粒粒蚬肉都肥美丰腴，

加埋秘制葱蒜豉油，

用嚟送酒送饭都一流啊！

大大粒田螺肉质好弹牙！

养得干净过屋企，一啲沙同泥味都冇，

紫苏香味都好重，经典。

用牙签一挑起，啖啖肉，

食到吮指先过瘾。

 白灼河虾

敢白灼就证明虾够新鲜啦，

入口，哇！鲜、甜、嫩！

果种白灼独有嘅口感真喺冇得弹啊！正！

如果你提前预订，正记仲会有啲特别食材，

出边好少食得到，比如：虾蛎。

  虾蛎粥  

虾蛎，广州人又叫“螃蜞”、“河蟹”，

虽然肉唔多，但用嚟煲粥鲜味无穷！

除咗个粥，仲有：

虾蛎加埋蒜蓉粒同花椒粒一起爆炒，

大排档风格！惹味又香辣！

咪睇虾蛎虽然细细地，

其实只只都有膏，重点喺啲膏都唔少！

纯手工拆出肥美脂膏，

成堆虾蛎先炒到一碟饭，

真係有钱都未必食到啊。

炒出嚟米饭粒粒金黄，香到停唔到口！

虾蛎膏口感粘糯，仲有阵阵浓郁香味，

令一碟普通嘅蒸蛋瞬间升级！

入口係浓到化不开的鲜甜。

一蟹四吃，各有风味，老板真会玩！

禾虫依家正当造，係餐厅都买少见少啦。
原汁原味嘅鲜甜禾虫搭埋煎蛋，蛋白质爆表，

每日限量供应，手快有手慢冇！

 招牌田炆鱼 

田炆鱼过油后，再落蒜蓉、姜一齐炒。

记得趁热吃，又酥又香又可口，口感一流！

 吊烧禾雀 

烧禾雀少见，卜卜脆得嚟又带少少香辣，

满嘴流香，真喺好过瘾！

禾雀经过腌制、风干、刷脆皮、再风干

先可以摆落吊烧炉入面慢慢烤。

再落啲姜粒、葱碎、辣椒丝等一齐爆炒！

够香够酥脆，好味！

 椒盐蚕虫 

蚕虫嘅营养价值，唔洗讲出嚟大家都知道喇。

富含丰富蛋白质又富含维生素，

入口酥脆到飞起，好鬼惹味！

一大煲5个人都够食，

用只鸡公碗分住装，感觉好怀旧。

粥底绵滑浓稠，香芋粉到起晒沙，

粒粒石螺肉，多到好似唔使钱咁，

一碗落肚成个胃都暖晒。

所谓官达菜，其实就係俗称嘅“猪乸菜”。

清甜滑嫩又够厚肉。

从菜园新鲜即摘即炒，

真係连条菜都新鲜过人。

做嚟个菜功夫好复杂，烧、刮、煮、焖，

少啲耐性都唔得，所以唔係间间餐厅都肯做，

老板话街坊中意食，辛苦啲都要坚持整。

柚皮融入烧肉嘅油脂同肉味，

入口甘香松化，爽过食肉。

最后饮碗 野生塘葛菜煲鲗鱼

塘葛菜同野生鲗鱼一齐，

用瓦锅煲足几个钟，够晒清甜！

健脾利水，清肝明目，

最啱啲平时熬夜熬得多嘅人饮。

係正记，想家常又得，想野味啲都得，

兼且农家菜分量都好实际，

食到扶墙出仲要打包走，

性价比高出天际，阿妈都赞！

正记净係做午晚两市，

咁多年来，店家始终坚持最实惠的价格，

坚持新鲜、正宗嘅天然农家菜，

所以先可以係黄埔古港屹立多年不倒，

想食正嘢记得提前电话订位啦！

地址：新港东路琶洲街石基村杨桃园鱼塘边（黄埔古港）

电话：020-34088038、13808846614（如果你找不到路，可以直接拨打店铺电话问路哦。）

路线：

开车→这里非本村人的车是进不去的，所以开车的要把车停外面停车场，然后走进去；

地铁&轻轨→万胜围地铁站B出口出来，找个摩的，告诉他到正记园林美食，一般都知道，价格是6-8元，走进去会比较远，所以建议打摩的咯，不过要注意安全！也可以体验一番轻轨，同样到万盛围下车就OK啦~

坐车→坐229路或者旅游公交3线到琶洲石基村（黄埔古港）总站下，看地图路线行走。



1）从公交站开始走，走300米左右

2）你会遇到一个右拐弯的地方，继续走200米

3）走到尽头，有一个右拐弯的直角，走40米

4）然后你就会看到正记园林美食的招牌啦

如果还找不到，可以直接拨打正记园林美食的店铺电话：020-34088038或18928824480问路啦，或者问下本地的居民，就问正记园林美食怎么走，或者问池塘边怎么走就行了，基本没问题。