單身，至少比愛錯幸福

女孩M對感情一直堅持寧缺毋濫，終於都係遇上一個人渣。失戀療傷過後，佢更加小心翼翼，自始就單身咗好多年。佢好想...





女孩M對感情一直堅持寧缺毋濫，終於都係遇上一個人渣。失戀療傷過後，佢更加小心翼翼，自始就單身咗好多年。

佢好想戀愛，好想得到一個值得愛嘅人讓佢愛，與被愛。佢已努力開拓自己嘅生活圈子，但佢睇得上眼嘅，唔係已有另一半，就係通唔到電。佢問，佢應該點算。

若果M係一個天天坐困愁城嘅女仔，我會叫佢學習出去碰下運氣，之但係當M已表明自己一直都喺度努力拓闊生活圈子，我就會叫佢學習去──享受孤獨。

愛情最重要嘅，都係緣分。認識你嘅人越多，理論上開展愛情嘅機會越大，可是最後中唔中，仲係要講緣分。

緣分未到，未有人可以讓你愛，就先去愛自己吧。當你懂得愛自己，欣賞自己，你就唔會害怕獨處。由不害怕，從而再慢慢發掘當中嘅快樂，你就會開始懂得享受獨處。

懂得享受獨處又點？當你能夠喺孤獨中找到自在，愛情就會由必需品變成奢侈品，唔強求唔急進下，你嘅心水就會更清。

每一刻著抱住平常心，不慍不火，有約會就即姑且一去，有人追求就姑且了解一下對方，適合嘅就即管開始，唔啱嘅瀟灑轉身。唔怕失去，你就唔在乎得唔得到。唔在乎得唔得到嘅話，你先有條件去等到最好。

緣分，既要追，更要等。呢個道理，當到咗某個年紀，就會明。

M想得到一個值得愛的人讓她愛，與被愛。

值得愛，與值得被愛，呢兩個身份，好多時，都唔會喺同一個人身上搵得到。

更甚是，好多而家所謂擁有戀愛嘅人，佢哋身邊嘅嗰個人，都唔一定就擁有呢兩個身份──或呢兩個身份中嘅任何一個。

擁有伴侶，不等如擁有戀愛。

單身，至少比愛錯幸福。

原文來自陳詠燊

    关注 估唔到咁in