敗者為王：一個屬於李宗偉嘅故事

一個金牌代表勝利三個銀牌代表可敬嘅韌力同毅力...



里約奧運羽毛球男單決賽，大馬拿督李宗偉飲恨落敗，四次參加奧運，三度奪得奧運銀牌，未能達成冠軍之夢。雖然留有遺憾，但喺同林丹宿敵之戰中嘅精彩表現，足以證明佢職業生涯嘅輝煌相信喺好多年後，提到里約奧運，球迷最回味嘅會係林李呢場世紀嘅決戰。過去20年嚟嘅努力與榮耀，亦見證了一段屬於李宗偉嘅，「敗者為王」傳奇



李宗偉有一部GTR戰車，無論係喺球場上定係馬路上，佢都追求速度。作為馬來西亞最負盛名嘅現役運動員，李宗偉早已習慣咗馬不停蹄嘅生活。佢可能喺早上練球，下午練力量，晚上仲要應付飯局。佢曾經喺一個月內，要去4、5個不同國家，或去比賽，或去應酬。緊密嘅行程安排令佢幾乎冇陪伴屋企人嘅時間。

後來技術成型嘅李宗偉，已經毋需好似以前噉嚴格按照教練嘅安排嚟訓練。佢清楚自己需要練習啲咩，隨心所欲，如入無人之境。好多了解佢訓練情況嘅人，都覺得佢訓練好搏命，佢可以頂住任何壓力，完成超人嘅訓練內容。

直到而家，李宗偉仍保持住多項訓練紀錄，喺馬來西亞無人能及。當其他隊員已經攰到死下死下時，佢依然企喺場上，覺得未打夠，唔過癮。李宗偉曾經喺一次高強度訓練中輕咗6公斤。佢嘅時任教練李矛講：「一般人脫水兩公斤就已經意識模糊，更唔好提打戰術比賽了。佢能打，仲能贏，絕對唔係一般人。」



李宗偉訓練刻苦，同佢嘅童年經歷有關。佢講：「細個陣屋企咁辛苦，想買咩都好難。一定要自己夠搏，先可以得到自己想要嘅嘢。而家我咩都有了，關鍵時刻仲係想堅持落去，就係因為受小時候嘅影響太大。最難嘅都捱過來了，而家仲有一個機會，點解唔堅持？」

日日重複嘅訓練生活，奔波勞碌嘅比賽，難免令人厭倦。李宗偉曾抱怨話：「真係好攰。有時候真係唔想打羽球了，想退役。但冇辦法，國家需要我。公開賽有我去，至少可以進四強。我唔去，就比較難。仲有贊助商，賺咗人哋嘅錢，總要同人家打工。」



李宗偉面對得失，似乎都很淡然、平靜，但冇人會明白佢嘅脆弱。自2006年起，李宗偉先開始打出成績，壓力與日俱增，肩負著為國家奪冠嘅重擔。佢幾乎成咗呢個國家嘅「獨生仔」，因為得佢有能力喺球壇登頂。李宗偉狀態嘅好壞，都會令馬來西亞嘅體育領導層大為緊張，甚至會召開特別會議為李宗偉出謀劃策，然而對李宗偉而言，只係更大嘅無形壓力。

為咗幫李宗偉調整心理狀態，大馬羽總甚至請咗心理醫生，李宗偉曾坦言心理醫生確實對佢有幫助。喺長達四五年嘅時間入邊，李宗偉每逢大賽，心理醫生都陪喺佢身邊，為佢調整心理狀態，幫助佢有更好嘅發揮。



相比起心患，傷患對於李宗偉而言是更慘痛的經歷。李宗偉向來避談年齡對佢嘅影響，認為年齡不過係一個數字，但坦言隨住年紀增大，最令佢顧忌嘅係傷病。2012年5月在武漢舉行嘅湯姆斯杯小組賽中，李宗偉上場僅三四分鐘就扭傷腳，坐輪椅離場退賽。當時佢啲眼淚令現場嘅觀眾都非常心痛。中國選手陳金回憶話：「嗰次係我第一次睇見佢喊。」「佢一定覺得好驚，因為兩個月後就係四年一度嘅奧運會。」

呢次係李宗偉運動生涯上最嚴重嘅一次傷病，因為直接影響咗佢喺倫敦奧運中嘅發揮。頑強嘅李宗偉堅持帶傷出戰，艱難打入決賽，可惜決賽嘅對手又係林丹，佢四年後再一次與奧運冠軍失之交臂。頒獎禮上，李宗偉眼紅紅，流露出悲傷、失落嘅神情。



講起奧運決賽，北京奧運畀佢嘅痛楚遠超倫敦奧運。2008年北京奧運羽毛球男單決賽上，林丹僅用38分鐘就以2:0將李宗偉絕殺。李宗偉搭飛機回國途中，看到雜誌中有關佢喺奧運決賽慘敗嘅內容，佢已經無法忍住眼中淚水。當時嘅女友黃妙珠坐喺佢身邊，唔知點安慰佢，惟有一齊默默喊。

倫敦奧運之後，李宗偉同黃妙珠結婚。佢哋屋企嘅客廳擺住一本雜誌嘅封面圖，圖中係佢全力扣殺嘅英姿，上面寫住一行字：「THE KING OF THE COURT（球場王者）」。倫敦奧運嘅銀牌足以令李宗偉成為國家嘅英雄，但係喺苛刻嘅球迷心中，王者稱號只屬於冠軍得主。李宗偉有無數勝利，唯獨欠缺一個奧運冠軍。



李宗偉嘅公眾形像向來低調、謙和，對挑釁和失敗都唔想作過多解釋。但佢心入邊卻有對勝利嘅強烈渴求。林丹曾經話：「喺世界頂尖高手中，李宗偉係我見過嘅求勝欲望最強嘅人。佢甚至願意為咗取勝做出各種各樣新嘅嘗試，唔達目的唔罷休。」

李宗偉可以戰勝林丹嗎？這個問題對李宗偉而言，是一種挑釁，但他往往會收起自己的不滿，只說「不想那麼多」。越想得到的，可能就越得不到，李宗偉會覺得「這就是命」。在早前結束的里約奧運半決賽中，他打破宿命，戰勝林丹，然而賽後他也說：「如果輸，也是天注定。」



喺所有「林李大戰」中，李宗偉最自豪嘅係自己嘅兩場勝利。除了2011年全英賽衛冕，仲有一場係2006年馬來西亞公開賽決賽。全英賽衛冕贏得艱難，自然喺佢心中份量十足。而馬來西亞公開賽決賽嘅戲劇性，更係印象無比深刻，佢話呢場係最難忘比賽。

呢場比賽第三局，林丹以20:13手握七個賽點，林宗偉以超乎想像嘅冷靜面對，不僅奇跡般挽救了所有賽點，連贏七球，更以23:21反勝，奪得冠軍。佢跪喺地上，雙手捂臉，無比激動，灑下熱淚。而林丹則嬲爆，將球拍掟落地之後一腳踢飛。頒獎禮上，林丹毫不掩飾火爆脾氣，怒掟主辦方頒發嘅草帽禮物，憤而離去。



李宗偉賽後為自己嘅勝利解畫，佢話見到教練李矛一副「冇眼睇」嘅表情，又見到林丹手握賽點時已經向觀眾飛吻，當場扯火，「噁心得不得了，覺得要搏命了！」正係呢股怒火，讓佢獲得咗一生中最大快人心嘅勝利，「林李大戰」嘅勝利。

好多年後，羽毛球壇有關「林李大戰」嘅故事，依然係大家津津樂道嘅話題。因為喺呢兩位巔峰球手之間，除咗有林丹「天下無敵」嘅神話，亦有李宗偉「敗者為王」嘅傳奇。









結束奧運之旅，李宗偉或許喺時候回歸家庭，陪伴妻兒，正如佢賽前所講，嗰啲係力量嘅來源。



原文來源且改編於巴士的報

    关注 估唔到咁in