湖南卫视开播，剪晒张敬轩？我搵到轩仔啦，差评！

 

搞风搞雨搞咗半个几月嘅《歌手》

琴晚10点开播啦~

话将张敬轩嘅部分剪到干干净净嘅湖南卫视

仲係俾小编揾到咗张敬轩嘅身影

实在係“太失败了！”

讲真

湖南卫视真係剪辑技术真係唔算讲笑了

但胜在张敬轩有个红当当嘅发型

如果唔係真係几难再揾到佢身影

首先係全集最明显嘅一部分

就係杜丽莎入来大家一齐去迎接佢

右下角有一个红色嘅身影

宣布赛果拉远镜之后

其中最醒目最耀眼嘅红色头发

张敬轩其实就坐係光良同杜丽莎中间

小编手写咗一下座位

张敬轩左边係光良，右边係杜丽莎

完全係花式剪走张敬轩

但有时难免有漏网

镜头扫过去试过有见到

白色外套红色内衬音乐合伙人前面果个就係

好多人一起出现拥抱嘅时候

有见到红色衫果个

就连后面投票时候嘅统计画面

都俾网友细心揾到~

张敬轩应该係第四个出场嘅

呢张相竟然一啲痕迹都揾唔到

一唔係就係中间空咗果个位p走咗

一唔係就係迪玛希隔离果个位硬生生剪咗

为咗剪走张敬轩嘅画面

宣布完前三之后后面嘅排名都冇埋

而係用歌手们见到团队之后

互相报名次代替

就好似重来冇呢个人出现过咁！！

期待佢出场嘅观众不到黄河心不死咁

係呢期一齐揾佢出来

好似一齐来“找茬”

咁作为歌手辛辛苦苦准备咗甘耐

而且之前炒热度炒咗甘耐

最后真係剪到得翻个红头同影子

真係心塞咯！

除咗张敬轩，迪玛希呢匹黑马都令人惊艳

来自哈萨克斯坦歌手

人靓仔把声就更加不得了啦~

一开波就係迪玛希进口小哥哥

因为今次赛季就係观众投票期待值而决定出场

最期待嘅歌就最后出场

大家对于迪玛希一开始真係认知为零！

所以第一个出场嘅就係迪玛希

演唱超高难度嘅法文歌《一个忧伤者的求救》

小哥一开始真係好牛逼咁讲

“参加过很多比赛，从来没得过第二”

有冇一种以前我地读书学霸喺度晒命咁

“我真係唔想得第一噶”

但人地真係唔係认叻果钟

一开口就已经给跪了

完美到无瑕疵嘅歌唱技巧华丽至极

包含美声、假声、咽音、说话式歌唱、喊唱五种唱法嘅演绎

真係听到鸡皮都起！！！

所以到后来无论歌手互投定观众投票

都係迪玛希摞第一

来睇下歌手们嘅表情

只有老屎忽杜丽莎比较淡定

其他都是惊讶到啦~

再睇翻迪玛希小哥哥唔单止唱歌一级棒之外

连样都好似好多明星嘅混合体

唔知你觉得似边个啦！

吴磊、陈坤、林宥嘉、林志炫、张震

张震&林宥嘉

唔理佢似边个总之就係靓仔啦~

1.9米嘅身高+异国风情样

真係马上迅速圈粉无数

原来微博粉丝得1万到30万粉丝

有冇留意到迪玛希嘅公司

黑金经纪旗下歌手

黑金经纪係尚雯婕嘅公司

所以我估今次会参加呢啲比赛都係因为老板

毕竟尚雯婕自己都参加过

之后出场嘅就係袁娅维《阿楚姑娘》

中国好声音出来嘅选手

唱功都唔错啦~

可惜知名度一样唔够加上今次对手强大

所以就只能沦为最后啦~

光良《第一次》

的确係令大家揾翻啲情怀感觉令人感动

但係面对其他强大嘅对手

小编感觉就真係有少少输蚀啦~

之后最有资历嘅前辈级“杜丽莎”

“音乐教母”不负盛名

犀利係佢讲嘢果部分几乎全部都係粤语为主

《Imagine》表现都好稳定

所以杜丽莎最后摞咗第三啦~~

睇过《蒙面歌王》都知道

谭晶演唱功力都好劲被称为“大魔王”

平时都係唱开春晚嘅~

谭晶《再见青春》

今次获得第五位但感觉之后要爆发了！

今次如果唔係敬老奖俾杜丽莎

以湖南卫视嘅尿性好大机会係谭晶了~

萧敬腾带领嘅狮子合唱团

人地话每一个玩乐器嘅歌手

都会有一个摇滚梦~

今次萧敬腾从零开始重新组团

相信上呢个节目就係为咗打开内地市场

提高自己band队嘅知名度

唱开《lion》好high但成绩未入前三

最后肯定係依然靓爆嘅林忆莲

《不必在乎我是谁》

镜头一扫过去超多人喊~

虽然湖南台中意做马安排好多演员扮喊

但林忆莲呢首歌真心动情！！

就连呼吸都是美的！！

所以之后获得了第二名

据说下一期林忆莲都係保持係前三名

原谅小编都係Sandy的粉~~~

纷纷扰扰搞咗咁耐嘅《歌手》开播

唔知琴晚你地有冇睇？

第二期歌单都出来啦~

唔好多谢小编，小编是雷锋

1.光良《那一段日子》、2.谭晶《九儿》、3.袁娅维《love on top》、4.迪玛西《opera 2》、5.杜丽莎《卡门》、6.狮子合唱团《你是我心爱的姑娘》、7.林忆莲《无赖》（戴佩妮）

之后仲会有张杰，赵雷、林志炫、侧田等等

不出意外嘅话！！！

冇咗张敬轩但如果侧田上噶话

小编仲係会追噶~~

求侧田上，并且踢馆成功！