黄翠如丨认自己霸道  曾与祖儿吵过架：我约Joey到操场谈判

香港TVB资讯台ChannelTVB認嗌過交！黃翠如曾約祖兒操場講數藝人黃翠如出席護膚品牌新店開幕活動，問...

藝人黃翠如出席護膚品牌新店開幕活動，問到平時有否與男友蕭正楠互相敷面膜？她坦言經常買面膜給對方：「佢係零護膚，我最近同佢一齊開工，發覺佢毛孔粗大咗，我就提佢要敷Mask，佢話隔日先，佢唔貪靚，佢話自己係實力派，唔需要。」「講數」遭家姐抦

提到有指翠如聲稱容祖兒搶走其胞姐，她笑着解釋：「祖兒同我家姐係由細識到大，係同學，我哋試過嗌交，我約祖兒喺操場講數，叫佢唔好同我家姐出街，我好霸道，但依家唔會，每次我家姐難過嘅時候，都係祖兒陪住佢，佢好鍚我家姐，好鍚身邊每一個朋友，我哋大家都有聚會一齊食飯。（後來點破冰？）好快就知道自己錯，畀家姐抦，呢啲都係小學嘅事。（爭仔會唔會都係咁強悍？）唔會，經過嗰次好後悔，畀人講到依家。」強調冇資格評論股市

另外，翠如父親的公司上巿股價大上大落，翠如在雜誌表示益了炒家很內疚，問她會否覺得是明星效應所致？她說：「我冇咁大影響力，影響到家人唔好意思，唔想講咁多，股票我唔識亦冇興趣，冇資格去評論。（怕股民蝕錢入你數？）我由第一日開始都話自己唔識、唔了解，相信唔會因為我而買。（會唔會提醒吓年青嘅粉絲？）我知道佢哋有買我新代言嘅飲品，我講得好清楚，佢哋好明我想法，男友都唔識，佢冇買。」對於股價大起大跌？她稱聽財經記者指該現象並不罕見，但她聽完對方分析仍不明白。怕同蕭正楠鬧交：佢好就我

此外，《東網》獨家披露金剛與蕊蕊分手，翠如表示有聽同事說，只希望大家開心健康，問到會否覺可惜？她直言：「兩個人嘅事，第三者冇得Comment，關係從來係最難理解嘅學問。（同金剛熟唔熟？）我同佢合作過兩次綜藝節目，唔熟，更加唔應該講。（你同男友點相處，有冇拗交？）佢好就我，我哋兩個都好怕鬧交，冇乜嘈過，主力係佢就我，佢反應慢，我反應又慢。（你同人講過數？）所以千祈唔可以講畀大家知。」

    关注 香港TVB资讯台