陈维冠丨《殭》收视低是观众不进步？网民：发哥拍你照样不行

年年講邊個講爭視帝視后，點解唔見大台有咩最佳導演、編劇、監製、配樂獎等嘅獎，等啲幕後有啲競爭，O依家似乎冇競爭就冇進步，不過有個好似知知地行業情況嘅網民就話一部大台劇有好多編劇，例如《殭》有成11個編劇，可能一個編劇寫何月同C君嘅戀情，一個寫荷蘭之旅，最後先湊成一齣劇，甚至拍嗰陣都未有完整劇本，劇情有機會支離破碎，而編導又分7個人分別拍早、中、夜班，好難分邊個編劇做得好，話唔定呢一集有幾幕好嘅，之後又被寸唔好睇，當然呢啲「工廠模式」都係上層問題，觀眾會諗係唔係監製嗰啲做得唔好先出事……

《殭》監製陳維冠對於套劇得27點收視，佢就話其實今次想改變觀眾睇劇習慣，唔好喺廚房聽劇情，反而係要追嚟睇先知，唔想啲觀眾睇一、兩集就知套劇講咩，佢認為做電視業要不斷嘗試，但係觀眾都要進步，佢又指欣賞陳嘉寶同陸永嘅演出。其實監製陳維冠都唔係第一次叫啲觀眾唔想啲觀眾睇一、兩集就知套劇講咩，有網民反問：叫人睇多幾集先知好睇？點解唔索性將唔好睇嗰幾集刪走佢：「識拍戲啲人去晒邊，有啲咁嘅監製，畀發哥你拍都死。咁大反應係為喜見無綫任用新面孔，拍啲無乜點拍嘅題材，但點解可以拍成咁！叫人睇多幾集先知好睇就死啦，不如將唔好睇嗰前幾集取消好過，將啲出外景錢放喺有用的地方，例如編劇。點解無綫變到現在咁……」

有網民稱《EU超時任務》晚晚追，睇到眼都唔眨。《殭》就睇睇下瞓著咗，高下立見：「成個星期啦，套劇仲係一嚿嚿咁，你睇埋我嗰份喇，情願翻睇《EU》、翻睇《我和殭屍有個約會》。」

唔少網民更批評謝安琪戲裡面係一個29歲嘅法醫已經唔make sense，有一集佢嘅對白係話自己做咗十幾年法醫，又做咗C君嘅師傅5年多，咁請問Kay係幾多歲醫學院畢業？16歲？唔該做吓資料搜集啦！」

    关注 香港TVB资讯台