伍咏薇丨自爆曾被问价 张智霖：出5亿我才考虑被包

影星張智霖（Chilam）為好友伍詠薇（伍姑娘）主持的有線節目《伍姑娘真識食》擔任嘉賓，二人互爆對方瘀事，Chilam笑說：「伍姑娘最乞人憎嘅係成日放飛機，無論做運動、食飯、去旅行佢都會甩底，離譜到我幫佢起咗個朵叫『Queen of Cancel』！」伍姑娘聞言即急忙澄清：「我好努力改緊架啦，依家少咗好多。死啦！請你上嚟做節目，會唔會搞到絕交？」「每人都有個價」

談到圈中女星盛傳的「問價」事件，伍姑娘直言遇過，談到Chilam曾否被闊太「問價」，他坦言：「我未試過，可能我唔吸引卦！」伍姑娘追問：「如果你單身，出價幾多你先接受？」Chilam直言：「我相信每個人都有一個價嘅，如果去到5億我可能會諗諗！」伍姑娘笑指：「你唔好睇到自己咁高，你又冇Leonardo咁靚仔！」

抽離唔到角色同老婆嗌交

Chilam曾講過誓不與太太袁詠儀（靚靚）合作，怕會因工作影響感情。問到為何近年密密以「夫妻檔」接拍內地真人騷，是否因酬勞太吸引，他表示：「酬勞唔係主要原因，以前我哋試過拍劇演情侶，拍嗌交戲後抽離唔到角色，收咗工都仲好嬲對方，好傷感情。不過真人騷唔同，我哋做番自己，有好多新嘗試對我哋嚟講係好重要嘅時刻。」二人又講到Chilam的寶貝仔魔童，他笑言仔仔盡得他真傳：「佢個性好男仔，好清楚自己嘅性取向，成日講佢嘅女朋友。最近佢玩一啲組織家庭嘅遊戲，模擬自己係Daddy，有幾個小朋友，仲學識賺錢養家。」伍姑娘聽罷大讚魔童可愛。

回复：殭、火线下的江湖大佬

公公出宫、末代御医、警犬巴打等等

即可查收百度云下载

    关注 香港TVB资讯台