她是落选港姐，照顾短肠症的儿子四年不离不弃，如今再添一女乐也融融！

她是落选港姐，照顾短肠症的儿子四年不离不弃，如今再添一女乐也融融！...





每对父母都希望自己嘅小朋友可以健康快乐地成长，但世事唔系必然。与陈茵媺、周家蔚同届、06年落选港姐曾瑞珊就没那么幸运了。

曾瑞珊11年与圈外男友结婚后诞下囝囝甘珞龙(小龙)。小龙出世唔够三日，就被诊断患有「短肠症」。曾瑞珊透露小龙啲肠唔识扭番正常位置，导致血液未能流到肠，最后搞到坏死，正常小朋友可以扭番靓个位，但小龙就唔识扭番转头。曾瑞珊自言小龙出世时与其他婴儿无异，体重达7磅，样子得意可爱。可惜一家人开心时间只有十几个钟。对此曾瑞珊好自责咁话﹕「我由怀孕到BB出世都系开心妈咪，但知道囝囝有事一刻(心情)系由最高跌到去最低，真系喊到癫咗，喺医院踢櫈，因为一开始冇人预佢咁严重。」

「偏偏原来我个仔就系咁严重，好怪自己唔及早发现，怪自己点解唔紧张啲、怪自己唔做多啲资料搜集，喊到天崩地裂，隔咗咁耐同朋友讲番，觉得自己人生第一次做女主角。」到现在小龙已经动过五次多手术，经历过吐血、屙血等病痛煎。大肠功能全失，需要全部切除，而体内仅余的两成小肠，可以令身体吸收足够嘅营养，但佢需要接驳喉管到胃部，长期注输营养，而左腰间亦驳有「造口」，作排泄之用。

幸好，小龙性格乐天，与其他小朋友一样返学，喜欢笑同唱歌。母子与病魔搏斗四年半，但橡筋拉得太行亦有断嘅一日。两年前曾瑞珊同老公更陷入离婚边缘。

曾瑞珊话﹕「有段时间我系好抽离，觉得个小朋友唔系我嘅，但我又有责任去照顾佢，去到医院我仲识得笑，因为我知我唔可以『冧』。



曾瑞珊之后有去睇精神科医生，幸未去到抑郁病咁严重，当绝望嘅时候仲问咗自己一个问题﹕「仲想唔想要呢头家？」阿珊话好快有答案﹕「要！」说到对老公的评价，曾瑞珊认为作为老公系有待改善，但做一位爸爸，佢绝对系more than满分，佢真系细心。两夫妻经过一段时间磨合，最后决定生多个小朋友，是因为有次见到一位年约十岁嘅院友突然走咗，而佢父母剩系得佢一个女，所以曾瑞珊想阿仔真系走，她会很绝望的。上月曾瑞珊终于升做第二任妈咪，诞下次女融融，日前一家四口到数码港行草披、晒太阳、唱歌仔，平淡生活，但已令佢觉得好幸福。曾瑞珊话﹕「今年母亲节，最大愿望系阿仔唔使喺医院过，我已经好感动，因为过去几年嘅圣诞及新年都要喺医院......我哋帮囡囡改咗个名叫融融，因为想佢做人开开心心，几时都乐也融融。」生活在这么坚强有爱的一家中，期望小龙的病尽早痊愈~↓↓↓戳阅读原文无需下载，点击即玩更多好玩的游戏！

    关注 HKChannel