落选港姐因TVB处境剧爆红后以6位数字领代言，却因样貌精致陷整容疑云？

落选港姐因TVB处境剧爆红后以6位数字领代言，却因样貌精致陷整容疑云？...

早前，无綫处境剧《爱‧回家之八时入席》为咗开拓多方面市场，提升更高收视，剧集不时找来唔同嘅靓女艺人客串演出，之前已经有「宅男女神」陈滢、「咪神」张秀文、前港姐刘温馨等，还请来组合「少女标本」成员简淑儿（Jessica）担正做单元女主角。估唔到出街后反应非常热烈，劲多网民对于新面孔大讚够新鲜之馀，仲讚眼大面尖嘅Jessica清纯又可爱。一对腰果眼而深得网友欢心嘅简淑儿，依家广告同工作真系劲多做到冇停手，认真人气急升！从乐坛跨界往电视圈嘅Jessica曾经为无綫节目《3日2夜》担任主持，亦客串过几套剧集，反应相当唔错，自然多咗发挥机会！九月初，更以6位数字身酬撼低组合Super Girls（SG）接棒成为「万成永成摄影器材」新任代言人。讲到成为成新代言人，她哈哈笑地说：「我知佢哋代言咗好耐，广告商系想转下人啫，佢哋想搵个文青啲嘅女仔。（一个撼赢五个喎？）佢哋留番畀我啫。」谈到连其他两位成员都被她挥低单拖弹出，她又说：「佢哋都好忙，因为广告商今次想搵一个代言啫，佢哋唔会唔开心，佢哋都有嘢做，有时佢哋有嘢做，我都冇份啦。况且我拍呢个广告代言行咗600级楼梯，佢哋都唔使行喎。」至于这次6数位字代言费，可要分给属同一组合的成员？她表示自己可以淨袋，一齐工作时才分酬劳。问是否独揽酬劳最好？她又说：「最好分开同一齐嘅工作，两样都有得接啦。」不过人红自然是非多，因为她的样貌比起2012年参选港姐时精致了不少，而惹来整容疑云，令她随即要在社交网站上放旧照反击，指是化妆问题。Jessica强调自己冇整过容：「2011年大学毕业典礼，我仲喺美国，未返嚟香港，未选港姐嘅时候. （嗰时我系肥同黑，我认！）」之后仲加咗一句超长hashtag，佢话：「#系要淨系攞嚟攞去都系攞嗰几张好明显妆头都出晒事嘅相嚟做比较嘅我都冇办法」睇嚟Jessica真系嬲到爆呀，但之后佢都有道歉，话自己EQ未够高，承诺会努力工作！之后在公开场合出席活动时，简淑儿即直接按鼻证明冇整容，她说：「佢哋拎我选美嗰几张相就咁讲。（有冇微调？）冇，以前唔识，人的帮我化妆，依家会自己化。」问到会否接受整容？27岁的她表示：「唔会，答应咗父母，唔想佢哋唔开心，可能过多几十年就会。」



与过去对比，Jessica现在的五官确实更加立体和深邃，不过其造型及妆容亦为她加分不少，换了齐荫髮型，看起来更加清纯可爱，年龄愈大外貌反而愈年轻，成功进化为逆龄的宅男女神。不过最近，凭呢副靓样搵食嘅佢，竟然自毁形象，喺instagram上载张样衰到冇朋友嘅相！大家唔使担心，只不过系佢用咗个变脸app，整到自己粗眉同有鬍鬚，佢仲自称「大叔简」，图文不符地留言：「开心，就系有夹糖食～」

    关注 HKChannel