【短篇小论】新穗福田BJ6123PHEV-1
好多人嘅爱车咁话......
众所周知，新穗公司曾痴迷于搭载伊顿混合动力系统嘅福田混合动力车。其于2007年试用过一台超高配版本嘅BJ6123C7B4D之后就订购咗20台较为低配嘅BJ6113C7M4D以及10台低配版BJ6123C7B4D，有趣嘅係，呢批车嘅车尾采用咗经典嘅宏佳造型。呢批车于2008年1月上路，期间部分车辆曾借用于一汽以及电车公司用作测试。喺2009年底，为咗更新车辆以及迎接亚运会，新穗又订购咗30台稍微高配少少嘅BJ6123C7B4D，并于2010年2月投入运营。而本文嘅主角，则于亚运来临前上路，其身贴亚运会贴纸以及装有亚运会车牌。冇错嘅话，呢批车亦都係唯一一批上过2010年广州亚运会车牌嘅公交车？呢批车一共有30台，自编范围为1255-1284。同样地，呢批车都係一批令人交口称赞嘅好车，新车上路果阵动力强劲，乘坐舒适，确为好车。但係时过境迁，呢批车运营咗6年几了，由于保养以及主要部件缺件等问题，呢批车有部分车辆已经报废了，而且呢批车嘅现况都比新车差得多，问题主要集中喺高压电部分以及机械式自动变速器呢两个方面，凭良心讲，坐起身真係比新车果阵差得远，怠速抖动严重，内饰异响严重，乘坐体验真係大打折扣。
外观方面，呢款车采用咗“囧面”+封尾嘅造型，喺6年几前真係算耳目一新。而且可以睇到，呢批车延续咗同年2月份上路嘅第二批福田BJ6123C7B4D嘅配置，喺左侧同右侧都配有两个推拉式逃生窗，安全配置做得够足。车身尺寸方面，呢款车嘅长宽高为11980mm×2550mm×3150mm。
其实好简单嘅，先从门位入手，可以睇到，后门底配有电动轮椅踏板、轮椅踏板指示灯以及无障碍标识。而喺司机位果边睇过去，可以留意下后碌前面嘅两个盖，细果个係干燥瓶检修口，大果个係24V电池仓。关键就係24V电池仓，普通版本嘅车就会喺后辘前面，而无障碍版本因为要留有轮椅停放区，所以就将24V电池仓向前移了。
睇睇司机位，呢批车唔似第二批福田BJ6123C7B4D咁样，采用全包围式驾驶台，而係改用普通嘅半包围式驾驶台。配置同之前嘅混合动力车差唔多，欧科佳CAN总线，威伯科刹车阀，通达报站器等均有配备，当然啦，最紧要嘅就係呢批车同样配有伊顿混合动力系统。咁普通版嘅车同无障碍版嘅车喺司机位上面有咩唔同？关键嘅嘢就係无障碍版本多咗几个控制电动轮椅踏板嘅按钮，就係咁简单啰。
睇睇乘客区，其实布局都十分正路，普通版冇水塘，24V电池放喺左后辘前面，所以乘客区中部就有8个单人座。乘客区后半段前三排座椅采用1+1安装模式，载客量更有保证。
而无障碍版本因为要留有俗称“水塘位”嘅轮椅停放区，24V电池就移到水塘位前面了。除此之外，其它布局都同普通版差唔多。
电池方面，呢款车采用中信国安盟固利动力科技有限公司生产嘅铝塑膜锰基锂离子动力电池，型号为SPIM08HP，电池组额定电压为360V。另外可以睇到，电池上方装有伊顿4305985电机控制器。
最后贴上铭牌，2010年10月生产，上图为普通车铭牌，下图为无障碍车铭牌。
关注 Busfans
微信扫一扫关注公众号
