女人最大嘅敌人唔係年龄，而係甜品

 

如果你问连妹，女人最大嘅敌人係边个？连妹一定会咬牙切齿咁话，甜品！因为女人有两个胃，一个要来食甜品，一个要来食正餐！明明饱到上喉咙，但係依然无法抵挡甜品嘅诱惑啊！你话，甜品係咪抵死啊！

甜品都已经冇抵抗力啦，更何况抹茶甜品呢！

睇个名就知哩间係一间小清新店啦！

係一家以茶为主题嘅茶馆，里面都係年轻人经营管理嘎！凪係日本汉字，读音nāgī，意为风平浪静。 店面无论外观定係装修都素雅，音乐同店员都好温柔，比人一种宁静嘅感觉！真係冇改错名啊！

哩度嘅甜品多数係抹茶主题，抹茶杯子蛋糕嘅精髓就係蛋糕上面嘅抹茶奶油。 奶油嘅抹茶香好足，入口即化，茶嘅微涩同奶油嘅甜滑融为一体

抹茶同奶香满溢的抹茶泡芙真係完美搭配！

刚烤出来嘅泡芙又热又酥，浓郁嘅鸡蛋同牛奶香味，一啖咬落，茶味清新嘅抹茶奶油真係爆浆啊！

地址： 华乐街道华乐路32号A3铺位

电话： 020-83849527

人均：30

哩间店共有两层，上层係照相馆，下层先係蛋糕店。

整幢楼都係黑白优雅嘅简约风格设计，蛋糕店里面有好多复古摆设，可以等等慢慢影相！

哩度嘅抹茶出品都唔错，原料选得好！

叉子一插入流心卷，就已经见到抹茶流心酱流出来啦！蛋糕卷好绵软，蛋味同抹茶味都好香浓，抹茶流心清香醇厚，，抹茶味浓郁带住微微苦涩，奶油够香滑，食两件都唔会觉得腻！

除咗抹茶出品，哩度好多蛋糕都係网红蛋糕！配上哩度嘅饮品真係一流，店员服务很好，会同你讲点样搭配会更加好！

地址：天河区体育西路50号102-2

电话： 18688893831

甜点人均：25

一间老牌嘅日式熟食料理店嚟噶啦！

主打就係日式料理

装修颇有传统嘅日式居酒屋嘅风格，多数为卡座，成日推出新菜式，店员服务态度唔错

虽然哩度主打係正餐，但係哩度嘅抹茶甜品都好得嘎！特别係抹茶布丁铜锣烧，其他地方食唔到嘎！

哩度嘅铜锣烧好多料，两片铜锣烧之间夹住红豆、抹茶雪糕，香草奶油等等嘅馅料，铜锣烧烤制时间刚好，入口香甜柔软，仲有淡淡嘅蜜糖香味，同埋啲抹茶雪糕、红豆一起吃，真係冇得弹！

仲有抹茶雪糕、紫薯布丁、抹茶布丁等等好多日式甜品！抹茶雪糕同红豆简直係绝配啊，红豆煮到好绵，起晒沙，配埋浓郁嘅抹茶雪糕，层次丰富，真係一流啊！

地址： 中山三路33号中华广场6楼6043铺(近地王广场)

电话： 020-83641126

人均：80