TVB艺人被曝出领养小狗后又弃于狗场，惨遭养狗义工网上狂骂！_【微文阅读推荐】

TVB艺人被曝出领养小狗后又弃于狗场，惨遭养狗义工网上狂骂！...

曾经喺剧集《巾帼枭雄之义海豪情》饰演宫崎队长、有绿叶王之称嘅杨证桦（Man），因为领养问题而卷入风波，惹来唔少爱狗之士激烈讨论。

事缘今日有读者报料，指杨证桦喺2014年领养一隻狗BB，不过最近小狗不知所踪，于是惹来弃狗疑云。

根据读者提供嘅资料表示，有一个狗义工，喺fb留言称喺2014年同几个义工救咗几隻狗BB，当时杨证桦认领咗一隻，仲改咗名叫Lucky，本来对方一直update狗狗嘅近况，但系近年已经冇联络，加上有第三者向佢透露，杨证桦已弃养Lucky，仲将佢弃于狗场，于是向对方了解，之后佢多次用whatsapp向杨证桦联络。

喺对话当中，杨证桦承认冇再养Lucky，不过佢否认送左Lucky去狗场，只系将Lucky交咗俾一个同村兼有一个大花园嘅朋友收养，呢个狗义工话多次向杨证桦要求探访，但系一直冇回覆，喺再三追问下，杨证桦回覆话Lucky仲住喺大花园嘅朋友屋企，仲send咗两张Lucky嘅相，但系狗义工坚持要探望，结果杨证桦因工作关系，迟迟未有安排，所以狗义工喺fb留言，希望大家提供狗狗嘅新消息。

虽然狗义工再三强调Lucky系咪喺狗场有待证实，但系已经有唔少爱狗嘅网民留言闹爆，有人直斥杨证桦不负责任，闹佢系二打六博上位，甚至作出人身攻击，当然亦有人撑杨证桦，其间杨证桦曾经留言表示清者自清，唔需要解释任何嘢，佢亦否认自己避见狗义工，只不过系工作太忙，所以配合唔到，即使有人留言知道Lucky嘅下落，依家生活得开心，依然平息唔到风波。

噚日下昼狗义工留言话已经知道Lucky下落，同时亦联络到新主人进行家访，最后喺fb更新状况话：「今日中午我同一位女义工去探Lucky（而家改咗名叫billy女），见到佢现时生活唔错，走动地方非常大，绝育攞牌各类预防有做足。」佢仲话喺啲街坊口中了解过，Lucky嘅主人好锡佢，仲知道杨证桦间中都有探望Lucky。