《幕后玩家》刘佩玥演狐狸被狂骂　「最强小三」求情：都系出自真心！

微信号：hkhk66...

龚嘉欣于《幕后玩家》的哭戏这两天在facebook洗版，不过能够令她哭到收不到声的，主因都是刘佩玥，被网友封为「史上最强小三」，在剧集中疯狂色诱黄宗泽，大肚去灵堂挑机，又要求和龚嘉欣共用老公，招数越出越强，加上阿Moon又演得好，令到观众，尤其女粉看得咬牙切齿。

有不少看得太投入的女粉，更在阿Moon的facebook instagram留言骂，不过阿Moon就话大部份粉丝都是理性，她说:

我唔系最强小三，剧入面嘅Emma先系，我唔会做小三啫，其实佢哋分得好开，睇剧还睇剧，我唔介意嘅，我有少少安慰，如果做出嚟大家冇感觉，咁我觉得冇意思。

不过阿Moon在最近的instagram 都写道：

Emma是Emma，我是我。希望大家是评论剧情角色也好，投放个人感情也好，无任欢迎。但请记得锡住现实的我：）

看来都担心粉丝过份激动。

剧中小三Emma粉身碎骨都要融入Sheldon家中，不过阿Moon就话其实Emma是悲剧人物：

其实Emma系为咗自己嘅幸福同将来去打算，所谓佢啲小三招数都系出自真心，因为冇咗BB先令佢谂得偏激，但大家睇落去啦，大家就唔会只系讨厌佢，会好可怜佢，因为之后出招嗰个就唔系佢嚟㗎!

莫非轮到龚嘉欣出招？

而为了做好这个角色，刘佩玥紧张到出风癞，她说：

拍嗰阵真系有压力，系我惊做得唔好，之前大家见到我成身风癞，皮肤又好差，都系因为自己大压力，搅到调理得唔好，但而家反应咁好，都觉得系值得嘅。

拍之前都有参考几套电影，又问下身边嘅人有无呢啲经历呀，或者上网睇，咁Bosco同阿聪仲有监制阿Joe（陈维冠）都俾好多意见我，全部都好帮我。

对贱男要狠心：「唔可以姑息！」

被封为「史上最强小三」，当然要找刘佩玥Moon讲解下，有什么方法对付这个女人公敌。

不过阿Moon都表示没有办法，她说：

现实中我就好好彩未遇过，至于对付小三的招数，我觉得最紧要做好自己先，首先自己唔好做小三先，自己畀自己价值都好重要，好多受害者有时会谂可能自己唔够好，所以佢先出去「耍耍滚」呀，或者搵小三，我就觉得咁谂好错，因为男方做错绝对唔关你事，而对付小三最好嘅方法就系放手，男方如果因为另一个始乱终弃，呢个男人都唔系一个好嘅人，佢对其他人都会咁做，唔好去姑息。

对付小三阿Moon就话最好放手，放开所有，如果现实中有个Sheldon男友又如何锁实呢？她说：

点样锁实呀，成日谂其他人冇用嘅，做好自己就够架喇，成日谂点提防呀？男友会唔会出轨呀？冇用㗎，就算另一半做错嘢，都唔关自己事。呢套剧畀我最大得着，就系做人要光明正大，无论追求权利、金钱、爱情，行错一步就满盘皆落索。

真想不到问阿Moon讲如何锁实男友，她可以讲到去《幕后玩家》的中心思想，还可以用「满盘皆落索。」做结尾，阿Moon真的有文采。

撰文：林通賢

如果深入交流，请加八叔私人微信hkhk27 ,

微博：@八卦香港

合作：

WhatsApp：9404 6815

QQ：2212341880





香港美食地图

长按二维码关注，即可获取！

    关注 微文阅读推荐