TVB老戏骨花近千万嫁女,婚后不到一周,女婿就被爆出内地约会学生妹!
希望佢哋冇事啦!...
早前,一对新人赴巴黎及瑞士拍摄婚纱照,身为母亲的陈曼娜获悉女儿觅得如意郎君,即送赠总值约700万元的嫁妆,除金器及首饰外,并包括一架价值400万元的黄色法拉利,与女儿分享大婚喜悦。陈曼娜仲赞女婿Dicky 101分,“如果唔系都唔会畀个女嫁畀佢,呢个女婿叫佢行就行、企就企,好孝顺。”点知,唔够一个星期,竟然畀爆料,指陈曼娜女婿结婚前有一个内地女大学生「情人」!根据曝光嘅照片,陈曼娜女婿婚后两天,被拍到与一名年轻女子现身中环,两人从豪宅步出,并结伴前往银行。Dicky与该名女大学生异常亲密,二人唔单止好有默契咁着晒黑色衫,该名女子仲要好开心咁翘实Dicky嘅手臂,而Dicky亦都好开心咁箍实女方条颈。期间二人又搭膊头又揽腰,不过却突然间发生争执,该名女子情绪激动爆喊,男方则多番劝她。由于该名女子情绪实在太激动,一度露出既无奈又愤怒眼神嘅Dicky,期间都忍唔住拍下女方嘅臀部同埋掐对方嘅手臂,但女方情绪依然激动。两人搞咗一大轮之后,先至双双离开。据知,Dicky的确认识该名女子,而且曾经与该名女子拍过数年拖,但之后两人分手。不过由于有人难捨难离,所以该段感情拖拖拉拉,及后该名女子知道Dicky与陈曼娜女儿结婚后,即约Dicky见面及即席摊牌!对于Dicky成为自己女婿未够一个星期,就被拍得和另外一名女子既揽腰又搭膊头,仲要发生争执,身为外母的陈曼娜,接受电话访问时,表明对女婿Dicky投以信任一票,更以「阴谋」来形容事件。至于女儿Joie嘅心情,陈曼娜则表示:「Joie心情ok,冇嘢。我已经知道同了解成件事,亦都知道有呢位小姐嘅存在,佢系同我女婿曾经来往过,但系好耐之前嘅事,当时大家系好清楚咁分开咗,成件事系一个阴谋同陷阱,我哋手上有大量资料同证据去证明,会喺适当时间开记者会公开交待。」
对于结婚短短六日便惊爆有婚外情,男主角Dicky、亦即是陈曼娜女婿现身解画,他接受访问时,直认中招,并谓稍后会对事件作详细交代。Dicky谓:「我肯定自己中咗招!好多谢大家关心,件事系处理中嘅,好多资料仲整理紧,会喺适当时间交待。(件事对太太同埋外母有冇影响?)太太同外母都好明白我,佢哋好清楚成件事,我都好关心件事对佢哋嘅影响同埋佢哋嘅感受。」最后佢重申,整理完相关资料后,会公开作详细交待。薛家燕与陈曼娜多年好友,更睇住陈曼娜女儿长大,对于其女婿惊爆婚外情,家燕姐表示十分惊讶:「我会打电话慰问下陈曼娜,佢个女好乖又肋,我由细睇住佢大,希望快啲冇事。虽然我唔系好清楚件事,但解铃还需系铃人,如果同以前嗰啲女友冇晒感情的话,就应该要决断一啲,咁样先至系对太太负责任。」
☞转载授权微信:lama129
☞ 商务QQ:1900556960
☞投稿邮箱:tghkchannel@163.com
关注 微文阅读推荐
微信扫一扫关注公众号