当家花旦惹怒TVB高层被封杀，转做综艺话晒虾干工作系自甘堕落，刻薄兼睇低人！

当家花旦惹怒TVB高层被封杀，转做综艺话晒虾干工作系自甘堕落，刻薄兼睇低人！...

由亚视转投无线嘅江美仪，虽然同田蕊妮、万绮雯同为亚视人，不过同人唔同命，被指派角色，唔系邪牌就二奶，全属3、4线之流。直至2013年，江美仪时来运转喺《冲上云霄II》演Head姐一角，同马国明玩姊弟恋，终于夺得「最佳女配角」奖项。

数月前，45岁之龄嘅江美仪，喺事业上终于遇上小阳春，接到好筹喺新剧《亲亲我好妈》中担正做女一，唔使再坐歪，不过有指佢对剧本诸多要求不满，更趁戏剧制作总监曾励珍放大假时，单人匹马杀上珍姐老顶，当时仍系助理总经理杜之克房中，越级投诉属珍姐「马房」，《亲》剧监制关永忠。结果套剧临时煞停四日要大执剧本，套剧拍完，搞到停厂咁大镬，呢个「镬」梗系要人孭喇，最后喺无线任职30年嘅监制关永忠搞埋啲套剧嘅后期同手尾，就要执包袱走。

据知情者讲，当时有人以为珍姐失势，趁住珍姐放大假嘅时候，一枝箭单人匹马上去杜之克度投诉关永忠，此举更有意宣布投城余党，可惜千算万算，珍姐放病假1个月，空降返无线7楼，冇耐仲升职，任助理总经理，结果有人机关算尽，可惜落错盘……

爱将关永忠俾人笃背脊惨被送上「断头台」，珍姐心里有数，有消息指珍姐旗下监制已经不会录用江美仪，所以喺担正嘅《亲亲我好妈》之后，已经冇人再搵佢拍剧，喺戏剧科又真系好似消声匿迹。冇剧开，又举手归边余党嘅江美仪，唯一出路就系帮余咏珊做综艺科节目，所以《街市游乐团》咪见到佢做主持囉！可惜，节目一出街，江美仪即刻成网民箭靶，有师奶网民插佢独有嘅老牛沙哑声，一开口烦厌兼劳嘈，但更多人插佢恃老卖老，喺节目中狂闹做下把位嘅陈浚霆。而喺前晚(4日)节目出街嗰集，江美仪更开口夹着脷，话鱼档劏鱼每日赚得嗰260蚊，又话剥虾晒虾干系自甘堕落，结果触动网民神经，狂闹佢刻薄兼睇低人……噚日打俾顾纪筠，佢回应话自己未睇节目，但都多谢网民咁锡Andrew。佢话：「我平时唔会打唔会闹Andrew，都多谢美仪佢帮我教吓个仔，咁节目有分上把下把位，佢闹Andrew系想袋钱入佢袋啫！」

问到有网民话江美仪讲嘢刻薄，顾纪筠就话：「咁恶恶哋系美仪风格嚟，佢系好有大家姐嗰种feel，佢咁样讲，可能系想搞吓笑搞吓气氛咁囉！」





冇剧开，做主持又未到位，两头唔到岸嘅江美仪，好头痕！网民部份意见节录自Baby Kingdom如下：

    关注 微文阅读推荐