老婆夜蒲欲照流出后他挺身力撑，如今三年抱俩更光速上位，超幸福！

老婆夜蒲欲照流出后他挺身力撑，如今三年抱俩更光速上位，超幸福！...

歌手陆永家有娇妻Rainah，又有两个可爱囡囡Hannah同Simsim，为咗畀呢三朵金花一个安稳嘅家，陆永特别落力搵钱，仲不时抽空享受天伦乐，果然系「廿四孝爸爸」！陆永嘅好爸爸形象深入民心，平日喺节目上表现搞怪都大受欢迎，点知佢最近竟然一反常态，喺剧集《幕后玩家》做二世祖，仲做得入型入格、入木三分，搞到唔少观众睇完都闹爆佢「废柴」！就连myTV SUPER嘅facebook专页日前都上载一条短片，大数「二世祖」陆永嘅三宗罪，今次真系证据确凿走唔甩啦！第一宗罪就系A字膊，剧中陆永要剪杂志做资料搜集，卸膊嘅佢竟然出贱招，偷鸡畀晒啲嘢邓佩仪做，连女仔都恰，真系衰到贴地又唔gentlemen！第二宗罪就系大花筒，陆永同邓佩仪撑枱脚，竟然嗌到成枱都系餸，仲打算嗌支价值万几蚊嘅「Kona Nigari」矿泉水，饮枝水都宁舍贵过人，仲唔系使脚唔抹脚！最后一宗罪咪系好食懒飞囉，陆永返工挂住听歌，仲不时入厕所「蛇王」。



陆永返工返到咁hea都未畀人炒，皆因「成功靠父干」，难怪观众睇完更加把几火，仲纷纷留言闹爆佢「废柴」、「衰格」，不过畀人闹又唔系坏事嚟，都要陆永够好戏，演得个角色够贱格先有咁大回响。有网友仲发现陆永唔单止适合搞笑，佢连个样都有阵「二世祖」嘅颓味，直情系做二世祖角色嘅不二人选啦！而上星期五晚播出一集就揭开陆永「二世祖」之谜，原来佢以前间接害死一个大学同学，令佢相当痛苦，所以先颓废过日子。依家终于真相大白，不过之后陆永「改邪归正」，咪冇得睇佢嘅抵死演出囉！陆永是香港Rap与Hip Hop音乐组合农夫组合成员，因演唱歌曲《456Wing》而广为人熟悉。2011年陆永奉子成婚，当年未上位穷到燶，与地产女经纪 Reina 请律师上门，在家交换戒指便成婚。婚后却忽然流出其妻Reina 婚前与 Rapper曲赤（ K-Chek）夜蒲啜爆的照片， Rainah旧情史同时被起底。

从流出的一批夜蒲照中发现，盆骨有纹身的陆永嫂 Rainah原来非常狂野，喜爱夜蒲，更是hip hop仔杀手。对于夜蒲欲照流出，陆永爽快回应：「太太以前有蒲㗎，以前我都有同佢去蒲过。喺结婚前，太太已经讲晒我知佢夜蒲嘅嘢。」对于记者旧事重提，陆永好奇反问：「做乜呀？又有相？影得靓唔靓先？据我所知曲赤嗰啲已经系最劲，曲赤我都知，老婆都有介绍曲赤畀我识，其他嗰啲都系夜蒲普通合照啫。」对于 Rainah腰间纹身，陆永说：「系！佢系有纹身。」身为人夫的陆永语重深长表示太太情史蒲照均是过去式，他维护说：「我都有饮醉过，我太太唔系圈中人，唔好再搞佢喇，佢在家好专心凑女。」风波过后，陆永密密做搵奶粉钱，三年前签无线拍剧，去年得Do 姐带挈主持“Do 姐去Shopping”后人气急升，终于脱贫上位。要成为一线小生，闲闲地要踎十年八载，不过食脑加上九唔搭八，出位无难度，好似陆永咁，虽然靓仔无佢份，但胜在形象骑呢古怪，唧到你笑，杀出血路！



组合农夫与Do姐郑裕玲合作旅游节目《Do姐去Shopping》，成功人气反弹，之后仲顺势三人行，主持埋《Do姐有问题》，工作量几何级数咁上。其中陆永仲有份拍《殭》剧，唔止可以喺黄金时段出街，而且剧中几乎有谢安琪嘅画面，就多数见到佢，戏份相当之多！陆永能够有咁高曝光率，并唔系因为多得Do姐、阿Kay等女神带挈，而系佢本身有个人魅力。据知，该剧监制就系觉得陆永够喜感，所以点名搵佢拍，而陆永都唔敢怠慢，埋位两个月已经成日搵师傅练武，又会约吓又南跑街练气。最近陆永Talk Show、唱片、拍剧、主持同步进行，系就系无时间陪屋企人，但机会唔等人，趁有得做，梗系做多啲啦。

    关注 微文阅读推荐