【家居小貼士: 裝修前做足功課慳番d】_【Q房網香港】

一手樓要裝修，二手樓又要翻新裝修，呢度係錢，果度都係錢，翻新完仲要買電器, 傢俱, 雜物，裝修期間又要坐酒店...

一手樓要裝修，二手樓又要翻新裝修，呢度係錢，果度都係錢，翻新完仲要買電器, 傢俱, 雜物，裝修期間又要坐酒店，所以裝修就要做好預算，慳番d錢喇! 今日Q仔又為你地銀包著想，幫你地做左功課，點樣係裝修呢一part慳錢!

1. 選擇淡季裝修

係香港，裝修既淡季一般係農曆新年之後既一個月，而旺季係下半年開始。選擇係淡季裝修既好處，除左部分公司會係淡季提供折扣優惠以外，判頭都唔會因為原本負責太多工程而監管不力，可以更專心地對待手頭上、你既工程。

2. 親身格價買材料做個精明消費者

我們係細閱裝修公司所提供既報價單時，要留意係咪已包括所有費用。一般裝修報價係唔會包含以下費用：1.磚瓦/地板 2.門/門框/鎖 3.潔具（水龍頭/花灑頭/坐廁/洗手盆） 4.抽氣扇、電爐、冷氣機等等。如果你想慳錢，可以係內地選購，材料價格相對會便宜三分之一到一半左右，但運費就會另計。如果係裝修期間如發現少了一塊磚或者出現了不良品，你就要自行返回內地跟進問題，比較麻煩。係香港選購材料，就要做到貨比三家，你可以親自到建材街格價，因為你會發現係街頭及街尾既建材店雖售賣既同一牌子材料, 但價錢可相差一截。

3. 要求判頭陪同選購材料

戶主預先價格固然重要, 最好都係要求裝修判頭陪同你到相熟建材店選購材料, 因為係一般情況下, 你可以以更優惠既「同行價」買到材料。

4. 自己設計—顏色搭配最簡單

如戶主追求更合理既空間利用、顏色搭配或者個性化既設計，最好還是搵個室內設計師幫手，設計費約佔裝修工程費用既5%~15%。若戶主無足夠預算，最簡單既方法就係學習顏色搭配! 而家Facebook都好多專頁會介紹裝修風格，你可以睇多d以作參考，然後再選擇一d合符品味既裝飾作點綴，就可以營造到位既家居風格！

5. 買現成傢俬

香港有唔少鑽石形住宅，很多人都會選擇度身訂造傢俬，以充分利用全屋空間，但如果你想經濟小小，不仿考慮購買現成家俬，價格約係訂造傢俬既7~8成，加上訂造傢俱由設計到完成生產，整個過程最少要等四個星期。

6. 詳盡合約內容保障雙方利益

做好上述前期工作後，戶主就要跟裝修公司簽訂工程合約。一份條款清晰詳盡既工程合約可以保障雙方利益。工程合約應包括：1.工程項目 2.使用物料3.付款方式 4.工程期5.收貨標準 6.雙方責任7.保養期等條款。若日後出現爭拗，可以依據合約條款處理，保障雙方利益及確保工程順利進行。

7. 親自做一些輔助性工作

若戶主可以負責安裝電掣面, 室內清潔等零碎事情, 可省番相應工錢。如只著眼點放係「慳錢」上, 到後來住住得不償失，因為慳回來既錢係唔可以以低質素低效率為代價。要搵一個有口碑既裝修判頭，再加上自己做足功課,，閱讀多D有關裝修既參考資料, 一定對減省開支有幫助。