【週末好去處: 同隻狗仔去街街喇】

有養寵物既人都知道，狗仔好需要活動空間，最好係不時帶佢地落街玩，等佢地有空間釋放精力，又可以同其他狗仔玩下，...





有養寵物既人都知道，狗仔好需要活動空間，最好係不時帶佢地落街玩，等佢地有空間釋放精力，又可以同其他狗仔玩下，識下朋友仔，無論對佢地既健康或精神都有好處，但耐何香港寸金尺土，又多車，怕狗仔長期吸入廢氣都唔係一件好事。新界地方當然有好多地方俾狗仔跑來跑去，但九龍港島相對就比較少，所以Q仔為左你地既狗仔著想，今期推介市區中比較受歡迎既狗公園，同狗仔去街街喇!

【中西區海濱長廊—上環段寵物角】





上環段寵物角佔地面積約為二千平方米，地方雖然不大，但「麻雀雖小，五臟俱全」，有充足既配套設施，包括3個狗糞收集箱，2個洗手設備、2個沙池及

1個飲水設備。

上環狗公園內設有草地和硬地，讓狗仔有充足既地方奔跑，而在硬地既一旁設有一列面向草地既有蓋長凳，當狗仔們在草地上玩耍時，狗主們則可以坐在長凳上休息，同其他狗主談狗經，待狗仔玩累了，又可以到凳子下飲水歇息，絕對係人狗皆宜既休憩之地。



位置: 海濱長廊上環段(信德中心旁)

開放時間: 24小時

【筲箕灣東喜道寵物公園】



筲箕灣東喜道寵物角，係一個落雨天散步嘅好地方，因為佢係天橋底下面一個狗公園，好新好乾淨，地方唔係好寬闊但係夠長，不過對狗狗來講已經足夠了，仲有好多訓練狗隻嘅設施，寵物遊戲設施、座椅及狗糞收集箱都一樣齊備。

位置: 筲箕灣東喜道天橋底

開放時間: 24小時

【將軍澳寵物公園】





將軍澳寵物公園係全港最大既狗公園，佔地十二萬呎，環境夠清幽，而且公園分大犬、小犬兩區，唔洗擔心狗仔會發生衝突。公園有停車場、洗手間、寵物活動區、寵物廁所、寵物糞便收集箱、寵物沖洗間、蔭棚、長椅、休憩草地，設施係最齊備既狗公園。公園內既寵物飲水機及寵物沖身設備, 在夏天來既時候都唔怕，可以幫佢地沖涼散散熱。

位置: 將軍澳環保大道

開放時間: 7am – 7pm

【油尖旺寵物公園】





油尖旺寵物公園佔地2,300平方米，面積雖然不大，主要由三塊草坪和一個設有圍欄既活動區組成，但勝在交通便利，方便居住市區既主人放狗。公園內設有流動洗手間、流動殘疾人士洗手間、狗廁所、避雨亭和公園長椅。呢個寵物公園有圍欄，有草地，狗隻可以自由奔跑，不怕佢地走失或有意外。此外，公園中間設有小徑供狗隻和主人散步，四周栽種左數十棵小型灌木，環境舒適怡人。

位置: 九龍渡船街 / 欣翔道交界

開放時間: 7am – 12pm

【沙田彭福公園】





彭福公園位於沙田馬場跑道內圍中央，佔地逾20英畝，有人造小湖及小噴泉，。不過要緊記，去彭福公園前，必定要check清楚沙田馬場的賽程表，因為如果當日沙田馬場有賽事的話，彭福公園係唔開放架！

位置: 沙田馬場跑道

開放時間: 9am-7:30pm(因應馬場賽程表)

    关注 Q房網香港