【週末好去處: 新居屋熱點 離島梅窩】

話咁快，又過左一個星期喇，今期樓市熱話，除左樓價係咁升，就係首日就已經有4萬人取表既居屋，而其中最便宜就係位...





話咁快，又過左一個星期喇，今期樓市熱話，除左樓價係咁升，就係首日就已經有4萬人取表既居屋，而其中最便宜就係位於梅窩既銀河苑及銀蔚苑，所以今期既週末好去處，Q仔帶大家去到梅窩，睇下呢個小島有咩好地方吃喝玩樂!

【交通】



前往梅窩既交通，得2個方法，一係搭船，一係巴士。

渡輪

搭船可以係中環6號碼頭乘搭前往梅窩既渡輪，平均半個小時至45分鐘一班，船程約50-55分鐘，可以先上網睇定渡輪既班次，就唔怕到時要等好耐喇!

巴士3M
巴士比較麻煩，要先前往東涌市中心，再轉乘3M巴士，係梅窩碼頭巴士總站落車，大約15-105分鐘一班，車程約42分鐘。

【美食: 福聚來海鮮酒家】



地址：大嶼山梅窩沖口道 3 號
電話：2984 8227
營業時間：星期一至日 11 : 30am- 3 : 30pm，5: 30pm- 10 : 30pm



呢間餐廳有靚海景，銀鑛灣海景一覽無遺，以椒鹽海鮮馳名，而且價錢合理， $298 二人餐已經可以食到薑葱焗蟹、椒鹽海中蝦、豉椒青口和紅燒豆腐。佢既椒鹽雞翼一樣咁出色，一咬油脂流出，香口惹味。

【美食: 津津食店】



呢越南餐廳，雖然西環也有分店，但係呢個蟹茄豬肉湯檬，絕對係小島限定，只限星期日供應，一般來邁，開店兩粒鐘內就會沽清。湯底以牛腩、香料熬製，清而不濁，星期日特別版加蟹仔同鮮茄，再煮三小時，入口鮮甜帶微酸。太早湯未熬好，太晏又怕賣晒，建議 12nn- 2 pm到就最好，如蟹茄檬不幸沽清，都可以試下辣雞湯檬和茄腩檬，都係梅窩限定架。

地址：大嶼山鄉事會路 35 號地下
電話：2984 7727
營業時間：星期一至日 7 : 30 am- 5 : 30
備註：只限星期日發售。

【美食: The China Beach Club】



地址：大嶼山東灣頭道18號
電話：2983 8931
營業時間：星期五至日 12nn-11pm
備註：不設加一，只收現金



呢度係梅窩拯溺會舊址，一座海邊小白屋，拯溺會14年前已停止運作，兩位來自英國既女士和四隻狗仔，20幾年前來港開酒吧，梅窩既居民就係鐘意呢度既簡單、隨意。

【玩樂: 銀礦瀑布】

沿指示牌入窩田村，再隨往東涌的新建小徑行約十分鐘，就會見到銀礦瀑布公園。呢度有個中式涼亭同兩個燒烤爐，瀑布分上下兩部分，雖然無超級磅礡的氣勢，但雨量多時都有令人有透心涼既感覺。

【玩樂: 銀礦洞】

銀礦灣係150年前真係有礦！礦洞位於銀礦灣山上，是一個鉛礦，大部分鉛礦石也含有小量的銀，於是吸引左唔少人到梅窩鉛礦採銀。礦洞內據說還有鐘乳石同小湖，雖然已被封閉，但企係洞前都可以俯瞰梅窩樹林同田野既景色，建議可在銀礦瀑布放低單車徒步而上。

【玩樂: 張記單車】



來到離島，梗係唔少得踩單車喇! 踩住單車圍住個島遊，方便又舒服。

地址：銀礦灣渡假酒店側
電話：9188 3106

【玩樂: 泰式按摩】



踏完單車，對腳實好攰。玩完成日，不如去享受下傳統泰式按摩！泰式按摩館周圍都有，碼頭附近都有幾間。去按摩前記得早啲book，最好係搭船到梅窩時即刻book！

歡迎關注Q房網•香港
加盟熱線：2996 1155
客戶熱線：2996 1123
按揭熱線：2388 8484
Like 一 Like：
www.facebook.com/Qfanghk

    关注 Q房網香港