时光流逝，情怀不变，那间陪伴我们长大的老字号甜品店乔迁啦！经典渐退，让我们一起再尝尝儿时的味道。

呢间小店睇落去唔起眼，但系往往人头汹涌，小编什么都不知道，只见到成间店坐密晒人，想稳张台都难~~...

「

特色传统甜品

小时候的味道

」

黄师奶甜品店嘅出品，价格非常经济实惠，四年来一直非常受棒，保留传统地道小食甜品风味，而且更保存住怀旧的风情。充满住小时候的回忆，真系由细食到大。制作方法简单，用料新鲜，纯正芒果汁搭配西米而成，口感浓滑香甜，浓郁香芒味供到你流口水。



大大粒爆爆珠，一咬即爆，入面嘅芒果浆瞬间爆出，充满刺激嘅感觉，香甜芒果味一下子霸占你嘅口腔，伴着西米入口，口感非常丰富独特。黄师奶嘅桃胶比外面更加香浓，除咗一般嘅椰汁、鲜奶之外，佢仲加入咗杏汁，非常有特

色。



所有味道零舍香浓，入口满满杏仁香味，鲜奶浓香丝滑，搭配爽滑嘅桃胶正到无得顶！滋补养颜，堪称天然美容护肤品。

经典款式，百试不厌！！用鲜奶与鸡蛋做材料，每日新鲜制作，充满住小时候的味道。卖相平凡，内里却不平庸。



雪白之中透点淡黄，质感光滑细腻，比双皮奶仲要滑。入口即融，浓浓鲜奶蛋味散发系口入面，甜度适中，大人细路都岩食，非常受街坊欢迎哦~

保留传统特色，黄师奶仲会研究新品，推出更多特色健康甜品锁住大家嘅胃口。呢个芒果卷够晒有特色，食过都大赞过瘾！

用大大条新鲜芒果肉做馅料，果肉饱满多汁，外面卷上一条牛奶皮，雪白通透，质感好似陈村粉甘爽滑。



外滑内软嘅丰富口感，飘散着清香牛奶味香芒味，简直系极品中嘅极品！



雪媚娘外表精致滴色，波波球，圆碌碌。外面软绵烟韧，里面香滑细腻嘅奶油，口感香滑软糯，更有榴莲（芒果）清香甜美，味道一流。

糯米糍咁又怀旧风味嘅甜品，系黄师奶当然要曝光！质感软糯，咬落爽口弹牙，又唔会痴牙；香甜红豆馅粉糯甜美，下午茶必备。

「

街口风味小食

熟悉的味道

」

呢度嘅风味小食，可能系你从小学或者初中食到大嘅味道。新鲜热辣嘅炸嘢，冰凉爽口嘅凉菜，令你回味无穷的地道小食。

炸番薯系顺德各个镇街都必备嘅炸物小食，无论大街小巷都会出现呢D咁传统既风味小食。



记得趁热食先好哦~脆卜卜嘅口感，外脆内甜，浓香油炸味飘到你流口水，香甜粉糯嘅番薯更加令你欲罢不能，食到停唔到口。

鸡脚系小食入面已经系大热门，下午茶或小食，总会点鸡脚。口感爽脆，芝麻香味搭配浓香沙姜味，惹味到震，食到手指都要吮埋。

和味鸡脚滋味十足，自家秘制酱汁充分浸透，味道紧紧锁住系鸡脚入面，咬落爆出香甜惹味嘅酱汁，鸡脚爽脆嫩滑，实在正到难以收口。

系咪睇上去好似小丸子呢，其实系墨鱼丸~淋上香甜沙律酱和海苔粉，用小丸子嘅调味搭配爽口弹牙嘅墨鱼丸，确实另有一番风味！

黄师奶北京风味主打两种蔬菜，当然必不可少嘅椰菜，仲有椰菜花啦！吃货必点，到店你会发现每张台都会点上一份，真系味道无法挡！！

新鲜脆嫩嘅椰菜花，吸附力非常好，可以紧紧吸收北京风味酱料，食到每一旧椰菜花都充满住香浓惹味嘅酱汁，认真滋味哦~

炸椰菜其实就无咩好讲，相信你地都食得多过小编！虽然普通，但系所有吃货食北京风味就必然会点炸椰菜，只因佢爽甜惹味！

「

怀旧饮品

熟悉的味道

」

咁有怀旧气息嘅小食甜品店，梗有一D系好早以前风靡全城嘅地道饮品推介，而且不断创新，保留旧有风味，注入时代元素，零舍不同哦~

经典中嘅经典，红豆冰已经唔系随处可以饮得到，慢慢俾现代饮品冲淡；所以大家真系且饮且珍惜，呢种怀旧味道，唔系话有就有了~

时尚饮品百香果，搭配柠檬汁，味道更加清新清香；甜度适中，渗出微酸，刺激食欲，而且纯手工制作，无添加，健康饮品放心饮用。

即点即榨新鲜玉米汁，香浓玉米香味，闻起身就已经觉得好鲜甜。饮落浓香柔滑，啖啖甘甜，健康又有营养嘅好饮品，值得一试。

「

吃货须知

新店地址

」

为迎接更多好食之徒，黄师奶全面装修扩充店铺空间，风情不变、人情不变、味道不变，还是你一直食紧嘅黄师奶甜品。新店外面辅道更设有停车位，地理位置比以前更加方便，容易稳到，系咪岩晒吃货们寻味呢！？出发！！！点击“阅读原文”导航到黄师奶甜品

    关注 微文阅读推荐